ఉహలు గుస గుసలాడే సినిమాతో మంచి క్రేజ్ తెచ్చుకుంది హీరోయిన్ రాశి ఖన్నా. ఆ తర్వాత వరసబెట్టి జోరు, జిల్, శివమ్, బెంగల్ టైగర్, సుప్రీమ్ వంటి సినిమాల్లో నటించి మెప్పించింది. అయితే ఒక్క ఎన్టీఆర్ తప్ప మరే స్టార్ హీరోతోనూ ఈమె నటించలేదు.
ఫస్ట్ లో కొంచెం అందాలు అరబోసే పాత్రలు చేసినప్పటికి తొలిప్రేమ చిత్రంతో నటనకు స్కోప్ ఉన్న పాత్రల్ని ఎందుకోవడం మొదలు పెట్టింది. ప్రస్తుతం ఈ బ్యూటీ ’ప్రతీరోజూ పండగే’, ’వెంకీమామ’, ’వరల్డ్ ఫేమస్ లవర్’ వంటి క్రేజీ మూవీస్ లో నటిస్తోంది. తెలుగు తో పాటు తమిళంలో కూడా వరస సినిమాలు రాశి ఖన్నా చేస్తోంది.
ఇది ఇలా ఉంటే తాజాగా తన డ్రీం ప్రాజెక్ట్స్ గురించి అలానే డేటింగ్ గురించి చెప్పుకొచ్చింది. రాశి మాట్లాడుతూ.. “ప్రస్తుతం నేను కమర్షియల్ కథ పాత్రల్లో నటిస్తున్నాను. అయితే మంచి సామాజిక బాధ్యత కలిగిన పాత్రల్లో చేయాలన్నది నా కోరిక. ఇక గ్లామర్ విషయంలో నాకు కొన్ని హద్దులు ఉన్నాయి. అందుకే గ్లామరస్ పాత్రల్లో నటించమని కొందరు దర్శకులు ఒత్తిడి చేసినప్పటికి ఆ పాత్రలను ఒప్పుకోవడం లేదు.
ఫూచర్లో మాత్రం మంచి సందేశాత్మక చిత్రాలలో నటిస్తాను. అలానే చాలా మంది డేటింగ్ గురించి అడుగుతున్నారు. 16వ ఏటలోనే ఓ అబ్బాయితో డేటింగ్ చేశాను. ఆ కుర్రాడి వయసు కూడా అప్పుడు 16 ఏళ్ళే.” అంటూ ఓపెన్ గా చెప్పి షాక్ ఇచ్చింది రాశి.