స్టైలిష్ స్టార్ అల్లు అర్జున్.. క్రియేటివ్ డైరెక్టర్ సుకుమార్ దర్శకత్వంలో పుష్ప సినిమా తెరకెక్కుతున్న విషయం తెలిసిందే. ఈ మూవీ భారీ బడ్జెట్తో తెరకెక్కుతోంది. పాన్ఇండియా మూవీగా తీసుకొస్తున్నారు. అంతేకాక రెండు పార్ట్లుగా ఈ చిత్రాన్ని నిర్మిస్తున్నారు. అల్లు అర్జున్ సరసన రష్మిక నటిస్తోంది. ఎర్రచందనం స్మగ్లింగ్ కథాంశంతో ఈ మూవీ తెరకెక్కుతున్నట్టు టాక్.
మొత్తానికి ఈ సినిమాపై విపరీతమైన హైప్ క్రియేట్ అయ్యింది. ఈ సినిమా టీజర్ ఇప్పటికే యూట్యూబ్ లో రికార్డులు సృష్టిస్తోంది. దేవిశ్రీ ప్రసాద్ సంగీతం అందిస్తున్నా ఈ సినిమా నుంచి వచ్చిన ఫస్టు సింగిల్ కొత్త రికార్డులను నమోదు చేస్తోంది. అయితే ఈ సినిమాలో విలన్ గా మలయాళ స్టార్ ఫాహద్ ఫాజిల్ నటిస్తున్నాడు.
ఇక ఈ సినిమాలో రష్మిక గిరిజన యువతిగా కనిపించనుందనే ఒక టాక్ వచ్చింది. ఒక వీడియోలోను ఒక ఫ్రేమ్ లో మెరిసింది. ఇక రేపు ఆమె ఫస్టులుక్ ను వదలడానికి రంగం సిద్ధమైంది. రేపు ఉదయం 9:45 నిమిషాలకు ఈ సినిమా నుంచి ఆమె ఫస్టులుక్ ను రిలీజ్ చేయనున్నారు. అందుకు సంబంధించిన ఒక ప్రకటనను చేశారు. ఈ సినిమాను ‘క్రిస్మస్’ కి రిలీజ్ చేయనున్నట్టు చెప్పినప్పటికీ, ఆలస్యమయ్యే అవకాశాలు ఉన్నట్టుగా చెబుతున్నారు.
Also Resd
గోవాలో పూరీ జగన్నాథ్ పుట్టినరోజు వేడుకలు..
టాలీవుడ్ హీరోయిన్స్ ఎక్కడ.. ఏం చదువుకున్నారో తెలుసా ?