సుదీర్ఘ విరామం తర్వాత అఖిల్ హీరోగా నటించిన తాజా చిత్రం ‘లెనిన్’ నేడు ప్రేక్షకుల ముందుకు వచ్చింది. ఈ సినిమాకు పాజిటివ్ టాక్ రావడంతో చిత్రబృందం ఆనందంలో ఉంది. అఖిల్ కెరీర్లో కంబ్యాక్ చిత్రంగా వస్తున్న ఈ సినిమాపై అభిమానుల నుంచి మంచి స్పందన వస్తోంది.
‘లెనిన్’ చిత్రం నేడు విడుదలైన సందర్భంగా, సమంత ఈ చిత్రబృందానికి మరియు అఖిల్కు సోషల్ మీడియా వేదికగా ఆల్ ది బెస్ట్ చెప్పారు. “లెనిన్ చిత్రబృందానికి, ముఖ్యంగా అఖిల్కు ప్రత్యేక శుభాకాంక్షలు. ఇప్పటికే ఈ సినిమా బ్లాక్బస్టర్ అనే టాక్ వినిపిస్తోంది” అంటూ తన ఆనందాన్ని పంచుకున్నారు. ఆమె ఈ సినిమా ట్రైలర్ను ట్యాగ్ చేస్తూ సోషల్ మీడియాలో పోస్ట్ చేశారు.
ఇటీవల సమంత నటించిన ‘మా ఇంటి బంగారం’ సినిమా హిట్ అయిన నేపథ్యంలో, అఖిల్ ఒక ఇంటర్వ్యూలో ఆ చిత్రంపై తన అభిప్రాయాలను వెల్లడించారు. ‘మా ఇంటి బంగారం’ కాన్సెప్ట్ తనకు బాగా నచ్చిందని ఆయన పేర్కొన్నారు. ఒక సాధారణ గృహిణిగా వెళ్ళిన మహిళ, తన కుటుంబ సభ్యుల చేత బంగారం అనిపించుకోవడంతో పాటు, పవర్ఫుల్ యాక్షన్ సన్నివేశాలు చేయించడం చాలా ఇంట్రెస్టింగ్గా అనిపించిందని అఖిల్ చెప్పారు. సమంత తన పాత్రలో అద్భుతంగా నటించారని, ఆ స్థాయి యాక్షన్ సీక్వెన్స్లను మహిళా ప్రధాన పాత్రతో తెరకెక్కించడం విశేషమని ఆయన కొనియాడారు.
మురళీకిశోర్ అబ్బూరు దర్శకత్వంలో తెరకెక్కిన ఈ చిత్రంలో అఖిల్ కొత్త లుక్లో కనిపించారు. సినిమా విడుదలైన మొదటి రోజు నుంచే పాజిటివ్ టాక్ రావడంతో బాక్సాఫీస్ వద్ద మంచి వసూళ్లను సాధించే అవకాశం ఉందని విశ్లేషకులు భావిస్తున్నారు. అక్కినేని నాగార్జున, సూర్యదేవర నాగవంశీ నిర్మించిన ఈ చిత్రం అఖిల్ కెరీర్లో మరో హిట్ చిత్రంగా నిలుస్తుందని ఫ్యాన్స్ నమ్మకంతో ఉన్నారు.