ఒక్క సినిమాతో విజయ్ దేవరకొండ ఇండస్ట్రీ దృష్టిని ఆకర్షించాడు. ‘అర్జున్రెడ్డి’ హిట్ తరువాత విజయ్కు దాదాపు డజన్ సినిమా అవకాశాలు వచ్చాయి. అయితే వాటన్నింటికి ఒకే చెప్పి ప్రస్తుతం విజయ్ దేవరకొండ ఒక్క రోజు తీరిక లేకుండా సినిమాలతో బిజీగా ఉన్నాడు. ఈ క్రమంలో కొత్త దర్శకుడు రాహుల్ సాంకృత్యాన్తో సినిమా చేయడానికి ఒప్పుకున్నాడు.
ఆ తర్వాత ఈ సినిమా ప్రీలుక్ను కూడా విడుదల చేశారు. ఈ లుక్ను విజయ్దేవరకొండ తన ట్విట్టర్లో ఇట్స్ టైమ్.. ఐయామ్ బ్యాక్ అని ట్వీట్ చేస్తూ ఆ లుక్ను విడుదల చేశారు. ఆ లుక్లో పాతకాలం నాటి కారు దుమ్మురేపుతూ దూసుకెళ్తున్నట్టు కనిపిస్తోంది.
వినూత్న కథాంశంతో తీస్తున్న ఈ సినిమాలో విజయ్ క్యాబ్ డ్రైవర్గా కనిపించనున్నట్టు సమాచారం. రొమాంటిక్ థ్రిల్లర్గా రూపొందిస్తున్న ఈ సినిమాకు ‘టాక్సీవాలా’ అనే పేరును పరిశీలిస్తున్నారు.
ఈ సినిమాను జీఏ-2 పిక్చర్స్, యూవీ క్రియేషన్స్ సంయుక్తంగా నిర్మిస్తున్నాయి. విజయ్ పక్కన హీరోయిన్గా ప్రియాంకా జవాల్కర్ నటిస్తోంది. ప్రస్తుతం విజయ్ దేవరకొండ, లావణ్య త్రిపాఠి జంటగా పరశురాం దర్శకత్వంలో గీతా ఆర్ట్స్ బ్యానర్లో నటిస్తుండగా, ‘మహానటి’ సావిత్రి జీవితకథ సినిమాలో విజయ్ కీలక పాత్ర పోషిస్తున్నాడు.