ఈ రోజుల్లో సైబర్ నేరగాళ్లు, దొంగలు డబ్బులు నొక్కేయడానికి రకరకాల సరికొత్త మార్గాలను అన్వేషిస్తున్నారు. తాజాగా ఏటీఎం కేంద్రాలను టార్గెట్ చేస్తూ సాగుతున్న మోసాలకు సంబంధించిన ఓ వీడియో ప్రస్తుతం సోషల్ మీడియాలో విపరీతంగా వైరల్ అవుతోంది. ఆ వీడియోలో ఇద్దరు యువతులు ఏఎటీఎంలో చేస్తున్న విచిత్రమైన పనిని చూస్తే మొదట ఎవరికైనా ఏమీ అర్థం కాదు. కానీ, ఆ సీసీటీవీ (CCTV) फुటేజీని నిశితంగా పరిశీలిస్తే అందులోని ప్రమాదకరమైన మోసం ఏంటో ఇట్టే అర్థమవుతుంది.
వైరల్ అవుతున్న ఆ వీడియో ప్రకారం.. ఇద్దరు యువతులు ఏటీఎం సెంటర్లోకి ప్రవేశిస్తారు. వారిలో ఒకరు ఎవరికీ అనుమానం రాకుండా చాకచక్యంగా ఏటీఎం నగరం ఇచ్చే క్యాష్ స్లాట్పై జిగురు లేదా అంటుకునే టేప్ను అమర్చుతారు. ఆ తర్వాత ఇద్దరూ అక్కడి నుంచి నిశ్శబ్దంగా వెళ్లిపోతారు. కొంత సమయం తర్వాత, మరో కస్టమర్ వచ్చి లావాదేవీ పూర్తి చేసుకున్న తర్వాత ఆ స్లాట్కు డబ్బులు అతుక్కుపోతాయి. కొద్దిసేపటి తర్వాత ఆ యువతులు మళ్లీ ఏటీఎంకు వచ్చి, ఆ స్లాట్లో ఇరుక్కుపోయిన నగదును సులువుగా తీసుకుని పరారవుతారు.
నేర ప్రపంచంలో ఈ సరికొత్త నేర పద్ధతిని ‘ఏటీఎం క్యాష్ ట్రాపింగ్’ అని పిలుస్తారు. ఈ పద్ధతిలో కస్టమర్లు తమ అకౌంట్ నుంచి డ్రా అయిన డబ్బులు మిషన్ ఇవ్వలేదని భావించి అక్కడి నుంచి వెళ్లిపోతుంటారు. వారు వెళ్లిన వెంటనే దొంగలు ట్యాంపర్ చేసిన ఆ స్లాట్ నుంచి డబ్బులను కాజేస్తుంటారు. ఇలాంటి మోసాల బారిన పడకుండా ఉండాలంటే ఏటీఎం వినియోగదారులు కొన్ని జాగ్రత్తలు పాటించడం చాలా ముఖ్యం.
ఏటీఎంను ఉపయోగించే ముందు క్యాష్ స్లాట్ను ఒకటికి రెండు సార్లు పరిశీలించాలి. ఒకవేళ మీ ఖాతా నుంచి డబ్బులు కట్ అయి, క్యాష్ రాకపోతే వెంటనే మీ బ్యాంక్ను సంప్రదించాలి. స్లాట్పై ఏదైనా టేప్, గ్లూ లేదా అనుమానాస్పదంగా కనిపిస్తే దానిని మీరే స్వయంగా తొలగించడానికి ప్రయత్నించకండి. లావాదేవీ పూర్తయిన తర్వాత మీ ట్రాన్సాక్షన్ హిస్టరీ చెక్ చేసుకోవాలి. ఏటీఎం పిన్ నంబర్ ఎంటర్ చేసే సమయంలో కీప్యాడ్ను ఎప్పుడూ కవర్ చేయాలి. గుర్తుతెలియని వ్యక్తుల సహాయం అసలు తీసుకోవద్దు. ఏ చిన్న అనుమానం వచ్చినా వెంటనే బ్యాంకు అధికారులకు లేదా పోలీసులకు సమాచారం అందించాలి. కొద్దిపాటి అప్రమత్తతే మీ కష్టార్జితాన్ని సురక్షితంగా కాపాడుతుంది.