పార్టీ ఓటమిపై జన్ సూరజ్ చీఫ్ ప్రశాంత్ కిశోర్ తొలిసారి స్పందించారు. గెలుపు కోసం నిజాయితీగా పని చేశానని, కానీ తన ప్రయత్నంలో విఫలమయ్యానని తెలిపారు ప్రశాంత్ కిశోర్. ఓటమికి పూర్తిగా తానే బాధ్యత వహిస్తున్నట్లు వెల్లడించారు. 243 స్థానాలు ఉన్న బీహార్లో 238 స్థానాల్లో పోటీ చేసింది జన్ సూరజ్ పార్టీ . కానీ ఒక్క స్థానంలోనూ గెలవలేకపోయింది. తాను బీహార్లోనే ఉంటానని, ప్రజల గొంతుకను లేవనెత్తుతూనే ఉంటానని అన్నారు. అలాగే, ఎన్నికల సంఘంపై ప్రభుత్వ యంత్రాంగాన్ని దుర్వినియోగం చేసిందని ఆరోపించారు. అవసరమైతే కోర్టుకు కూడా వెళ్తానని స్పష్టం చేశారు.
నితీష్ కుమార్కు 25 సీట్ల కంటే ఎక్కువ వస్తే తాను రాజకీయాలకు సన్యాసం తీసుకుంటాననే తన పాత వ్యాఖ్యకు ఆయన సమాధానం ఇచ్చారు. నాకు ఎలాంటి పదవి లేదు, కాబట్టి ఏ పదవికి రాజీనామా చేయాలి? నేను బీహార్ను వదిలి వెళతానని ఎప్పుడూ చెప్పలేదు, నేను బీహార్లోనే ఉంటాను. నేను రాజకీయం చేయను అని మాత్రమే చెప్పాను, ఆ మాటకు కట్టుబడి ఉన్నాను అని అన్నారు.
తాను చేస్తున్నది రాజకీయం కాదని, ప్రజల గొంతుకను లేవనెత్తడం రాజకీయం కాదని ఆయన అన్నారు. బీహార్ ప్రజల గురించి మాట్లాడటం మానేస్తానని ఎప్పుడూ చెప్పలేదన్నారు. 30 వేల రూపాయలకు ఓటర్లను కొంటానని చెప్పలేదన్నారు. ఒకవేళ ప్రభుత్వం మహిళలకు రూ. 2 లక్షల చొప్పున ఇస్తే, తాను రాజకీయాలు మానేస్తానని ప్రశాంత్ షరతు పెట్టారు.
తాను బీహార్ను విడిచిపెడతానని కొందరు అనుకుంటే, అది వారి భ్రమేనని అన్నారు. వదులుకునేంత వరకు ఎవరూ ఓడిపోరు. బీహార్ను మెరుగుపరచాలనే పట్టుదల నెరవేరే వరకు తాను బీహార్ను విడిచిపెట్టబోనని చెప్పారు. “బీహార్లో ‘ఓట్ల దొంగతనం’ అనేది పెద్ద సమస్య కాదు. అసలు ఆందోళన ఏమిటంటే, ప్రభుత్వ యంత్రాంగాన్ని తప్పుగా ఉపయోగించడం. ఇందులో జీవకా దీదీలను సమీకరణకర్తలుగా ఉపయోగించడం మరియు చివరి రెండు గంటల్లో 15-20% ఓట్లు పెరగడం వంటి నమూనా ఉన్నాయి. దీనికి సంబంధించిన వివరాలను ఎన్నికల సంఘం పంచుకోలేదు అని ప్రశాంత్ కిషోర్ అన్నారు.
ఎన్డీఏ తిరిగి అధికారంలోకి వస్తే రుణం లభిస్తుందని ప్రజలకు చెబుతూ ప్రభుత్వ అధికారులు విధుల్లో ఉన్నారని, దీని కోసం జీవకా దీదీలను డ్యూటీలో పెట్టారని ఆయన ఆరోపించారు. హామీ ఇచ్చిన ప్రకారం డబ్బు రాని లబ్ధిదారులు తన సంప్రదింపు సంఖ్య 91 216 91216 ద్వారా జన సురాజ్ పార్టీతో చేరాలని, వారి పోరాటాన్ని జన సురాజ్ పోరాడుతుందని ఆయన అన్నారు. ఇకపై సలహా సమయం ముగిసిందని, సంఘర్షణ సమయం మొదలైందని ప్రశాంత్ కిషోర్ పేర్కొన్నారు.