కోలీవుడ్ స్టార్ హీరో సూర్య ప్రస్తుతం వరుస సినిమాలతో ఫుల్ జోరుమీదున్నారు. ఆయన నటించిన ఇటీవలి చిత్రం ‘విశ్వనాథ్ అండ్ సన్స్’ బాక్సాఫీస్ వద్ద ఘన విజయం సాధించింది. ఈ సంతోషంలో ఉన్న సూర్య, ప్రస్తుతం టాలెంటెడ్ డైరెక్టర్ జితు మాధవన్ దర్శకత్వంలో ఓ కొత్త సినిమా చేస్తున్నారు. మలయాళంలో ‘రోమాంచం’, ‘ఆవేశం’ వంటి బ్లాక్బస్టర్ చిత్రాలను తెరకెక్కించి పేరు తెచ్చుకున్న జితు మాధవన్ ఈ చిత్రానికి దర్శకత్వం వహిస్తున్నారు. ఈ సినిమాకు ‘సీన్’ (Scene) అనే ఆసక్తికరమైన టైటిల్ను మేకర్స్ ఖరారు చేశారు.
ఈ చిత్రంలో సూర్య సరసన టాలెంటెడ్ నటి నజ్రియా కథానాయికగా నటిస్తున్నారు. వీరితో పాటు నస్లెన్, ఆనంద్రాజ్, లాల్, రాజ్ ప్రియన్ తదితరులు కీలక పాత్రల్లో కనిపించనున్నారు. ఈ చిత్రంలో హీరో సూర్య పవర్ఫుల్ పోలీస్ ఆఫీసర్ ప్రేమ్రాజ్ పాత్రలో నటిస్తున్నారు. ఇప్పటికే విడుదలైన తమిళ ప్రచార చిత్రానికి మంచి స్పందన లభించింది. తాజాగా ఈ సినిమాకు సంబంధించిన తెలుగు టీజర్ను కూడా చిత్ర యూనిట్ విడుదల చేసింది. టీజర్లోని యాక్షన్ సన్నివేశాలు ప్రేక్షకులను ఎంతగానో ఆకట్టుకుంటున్నాయి.
ప్రస్తుతం ఈ సినిమా షూటింగ్ దశలో ఉంది. ఈ చిత్రాన్ని ప్రతిష్టాత్మకంగా 2డీ ఎంటర్టైన్మెంట్ పతాకంపై స్టార్ హీరో సూర్య, జ్యోతిక స్వయంగా నిర్మిస్తున్నారు. ఈ సినిమాను దీపావళి కానుకగా నవంబరు 6న ప్రపంచవ్యాప్తంగా గ్రాండ్గా విడుదల చేయనున్నట్లు చిత్ర బృందం అధికారికంగా ప్రకటించింది. వైవిధ్యమైన కథలతో ఎప్పుడూ ముందుండే సూర్య.. ఈసారి పోలీస్ ఆఫీసర్గా ఎలాంటి మేజిక్ చేస్తారోనని అభిమానులు ఎంతో ఆసక్తిగా ఎదురుచూస్తున్నారు.