శ్రీవారి భక్తులకు బిగ్ అలర్ట్

ప్రముఖ పుణ్యక్షేత్రం తిరుమల శ్రీవారి భక్తులకు బిగ్ అలర్ట్. చంద్రగ్రహణం సందర్భంగా శ్రీవారి ఆలయాన్ని మూసివేయనున్నారు. రెండు రోజులు రేపు, ఎల్లుండి(సెప్టెంబర్ 6,7)తేదీల్లో శ్రీవారి ఆలయాన్ని మూసివేయనున్నారు. ఆదివారం మధ్యాహ్నం 3.30 గంటల నుండి సోమవారం ఉదయం 3 గంటల వరకు అంటే.. 12గంటల పాటు శ్రీవారి ఆలయం మూసి ఉంచుతారు. ఆ సమయంలో దర్శనాలు ఉండవు.

ఆదివారం రాత్రి 9.50 గంటలకు ప్రారంభం చంద్రగ్రహణం ప్రారంభం కానుంది. సోమ‌వారం తెల్లవారుజామున 1.31 గంటల వరకు చంద్రగ్రహణం కొనసాగనుంది. గ్రహణ సమయానికి 6 గంటల ముందుగా ఆనవాయితీగా ఆలయం తలుపులు మూసివేయనున్నట్లు టీటీడీ తెలిపింది. సోమవారం ఉదయం 3 గంటలకు సుప్రభాతంతో ఆలయ తలుపులు తెరిచి శుద్ధి చేయనున్నారు. అనంతరం పుణ్యహవచనం నిర్వహిస్తారు.

సోమవారం 8వ తేదీ ఉదయం 6 గంటల నుండి భక్తులను తిరిగి శ్రీవారి దర్శనానికి అనుమతిస్తారు. చంద్రగ్రహణం కారణంగా ఆదివారం ఊంజల్‌ సేవ, ఆర్జిత బ్రహ్మోత్స‌వం, సహస్రదీపాలంకార సేవలు రద్దు చేస్తూ టీటీడీ నిర్ణయం తీసుకుంది. గ్రహణం సమయంలో ఆహారం తీసుకోరాదని టీటీడీ అధికారులు సూచించారు.