 గురించి గత కొంతకాలంగా అనేక పుకార్లు షికారు చేస్తున్నాయి. దర్శకుడు బాబీ దర్శకత్వంలో తెరకెక్కనున్న){kind=link}
మెగాస్టార్ చిరంజీవి 158వ చిత్రం (మెగా 158) గురించి గత కొంతకాలంగా అనేక పుకార్లు షికారు చేస్తున్నాయి. దర్శకుడు బాబీ దర్శకత్వంలో తెరకెక్కనున్న ఈ ప్రాజెక్ట్ ఇప్పటికే ప్రారంభం కావాల్సి ఉన్నప్పటికీ, కొన్ని కారణాల వల్ల ఆలస్యమైంది. తాజాగా, దర్శకుడు స్వయంగా అభిమానులకు ఒక ఉత్సాహకరమైన వార్తను పంచుకున్నారు.
చిరంజీవిపై నిర్వహించిన ‘లుక్ టెస్ట్’ (Look test) పూర్తయిందని, ఫైనల్ లుక్ను లాక్ చేశామని వెల్లడించారు. ఈ సందర్భంగా లుక్ టెస్ట్ సెషన్కు సంబంధించిన ఒక మోనోక్రోమ్ (బ్లాక్ అండ్ వైట్) ఫోటోను కూడా ఆయన పోస్ట్ చేశారు. ఈ సినిమా షూటింగ్ చాలా త్వరలోనే ప్రారంభం కానుందని బాబీ ధృవీకరించడంతో, సినిమాపై వస్తున్న ఊహాగానాలకు తెరపడింది.
కె.వి.ఎన్ (KVN) ప్రొడక్షన్స్ ఈ చిత్రాన్ని భారీ బడ్జెట్తో నిర్మిస్తోండగా థమన్ సంగీతం అందిస్తున్నారు. చిత్ర కథాంశం మరియు ఇతర నటీనటుల వివరాలను అధికారిక లాంచ్ సమయంలో వెల్లడించనున్నారు.