టాలీవుడ్లో మరోసారి విజయ్ దేవరకొండ – రష్మిక మందన్న పేర్లు హాట్ టాపిక్గా మారాయి. ఈ జంట త్వరలో వివాహ బంధంలోకి అడుగుపెట్టబోతున్నారంటూ సోషల్ మీడియా, సినీ వర్గాల్లో పెద్ద ఎత్తున ప్రచారం జరుగుతోంది. అందుతున్న సమాచారం ప్రకారం, విజయ్ దేవరకొండ మరియు రష్మిక ఈ నెల 26వ తేదీన వివాహం చేసుకోబోతున్నట్లు అభిమానులు, ఇండస్ట్రీ వర్గాలు చర్చించుకుంటున్నాయి. అయితే దీనిపై ఇప్పటివరకు ఇద్దరూ అధికారికంగా ఎలాంటి ప్రకటన చేయలేదు.
ఇక తాజా వార్త ఏంటంటే, వీరి వివాహానంతరం జరగనున్న రిసెప్షన్ హైదరాబాద్లోనే నిర్వహించనున్నట్లు టాక్. మార్చి 4వ తేదీన ఈ రిసెప్షన్ గ్రాండ్గా జరగనుందని సినీ వర్గాల్లో గుసగుసలు వినిపిస్తున్నాయి. సన్నిహితులు, కుటుంబ సభ్యులు, ప్రముఖ సినీ తారలు మాత్రమే ఈ వేడుకకు హాజరుకానున్నారని సమాచారం.
విజయ్-రష్మిక జంట గీత గోవిందం , డియర్ కామ్రేడ్ సినిమాల నుంచి మంచి స్నేహం, ఆపై ప్రేమగా మారిందన్న ప్రచారం ఎప్పటి నుంచో ఉంది. తరచూ ఇద్దరూ కలిసి కనిపించడం, పండుగలు కలిసి జరుపుకోవడం వంటి అంశాలు ఈ వార్తలకు మరింత బలం చేకూరుస్తున్నాయి.
అయితే ఇవన్నీ ఊహాగానాలేనని, అధికారిక ప్రకటన వచ్చే వరకు వేచి చూడాల్సిందేనని కొందరు అంటున్నారు. నిజం ఏంటన్నది త్వరలోనే స్పష్టత వచ్చే అవకాశం ఉంది. అప్పటి వరకు విజయ్–రష్మిక పెళ్లి వార్తలు టాలీవుడ్లో హాట్ టాపిక్గా కొనసాగనున్నాయి.