త‌న లవ్ స్టోరీపై సీఎం రేవంత్ ఆస‌క్తిక‌ర కామెంట్స్!

తెలంగాణ ముఖ్యమంత్రి రేవంత్ రెడ్డి తన వ్యక్తిగత జీవితానికి సంబంధించిన ఆసక్తికరమైన విషయాన్ని పంచుకున్నారు. హైదరాబాద్‌లో శుక్రవారం నిర్వహించిన ఒక ప్రైవేటు కార్యక్రమంలో ఆయన పాల్గొన్నారు. ఈ కార్యక్రమంలో సీఎం గతం గురించిన ఒక జ్ఞాపకం అందరి దృష్టిని ఆకర్షించింది.

పెళ్లికి ముందు తన సతీమణి గీతతో ఆయన ప్రేమలో ఉన్నారని వేదికపై చర్చ జరిగింది. ఆ సమయంలో తన ప్రేమ విషయాన్ని ఆమెకు చెప్పేందుకు ఆయన హైదరాబాద్ నుంచి దిల్లీకి బైక్‌పై వెళ్లారట. ఈ సంఘటన గురించి వ్యాఖ్యాత సభలో ప్రత్యేకంగా ప్రస్తావించారు.

దిల్లీకి రానూపోనూ దాదాపు 3200 కిలోమీటర్ల దూరం ఉంటుంది. అంత దూరం బైక్‌పై ప్రయాణించడం సాహసోపేతమైన విషయం. అన్ని వేల కిలోమీటర్లు బైక్‌పై వెళ్లే సాహసం ఎలా చేశారని వ్యాఖ్యాత నవ్వుతూ సరదాగా ప్రశ్నించారు.

దీనిపై సీఎం రేవంత్‌రెడ్డి స్పందిస్తూ సరదాగా సమాధానమిచ్చారు. “1990ల్లో జరిగిన విషయం ఇప్పుడెందుకులెండి?” అని నవ్వుతూ దాటవేశారు. ప్రేమలో ఉన్నప్పుడు ప్రియమైన వారి కోసం ఎదురుచూడటం ఎంత కష్టంగా ఉంటుందో అది ప్రేమలో ఉన్నవాళ్లకే తెలుస్తుందని ఆయన తెలిపారు.

అది పూర్తిగా తన వ్యక్తిగత విషయమని, పబ్లిక్‌కు ఎందుకు చెప్పాలని ఆయన ముసిముసి నవ్వులతో బదులిచ్చారు. ముఖ్యమంత్రి చెప్పిన ఈ సరదా సమాధానం సభలో అందరినీ నవ్వింది. ప్రస్తుతం ఈ వార్త సోషల్ మీడియాలో కూడా వైరల్‌గా మారింది. రాజకీయ నాయకుల జీవితంలో ఉండే ఇలాంటి మధుర జ్ఞాపకాలు ప్రజలను ఎంతగానో ఆకట్టుకుంటున్నాయి.