బాహుబలి దీ కంక్లూజన్ చిత్రం కోసం తెలుగు ప్రేక్షకులు మాత్రమే కాకుండా యావత్ భారత దేశం ఎదురు చూసేలా చేసాడు జక్కన్న. మొదటి పార్ట్ తో అందరినీ ఆకాట్టుకున్న ఆయన రెండో పార్ట్ విషయం లో కేవలం ఒక్క ట్రైలర్ తో ఆ ఉత్సాహం తీసుకొచ్చాడు.
అద్భుతంగా కట్ చేసిన ట్రైలర్ ని యూ ట్యూబ్ లో ప్రతీ క్షణం కొన్ని లక్షల మంది వీక్షిస్తూనే ఉన్నారు. ఏ భారతీయ చలన చిత్రం సాధించలేని ఘనత ఈ ట్రైలర్ సాధించింది.
మార్చ్ 16 న విడుదల అయిన ఈ ట్రైలర్ 100 మిలియన్ వ్యూస్ ని దక్కించుకుంది. ఈ సంఖ్య ఇప్పటి వరకూ బాలీవుడ్ లోని ఖాన్ త్రయానికి కూడా సాధ్యపడలేదు.. అలాంటిది కనీసం హిందీ సినిమా కూడా కాని బాహుబాలి 2 ఈ గొప్ప ఘనత ని తన ఖాతాలో వేసుకుంది. అన్ని భాషల్లో కలిపి ఈ రికార్డ్ సాధించింది బాహుబలి.
విడుదల అయిన మొదటి రోజునే యాభై మిలియన్ ల వ్యూస్ ని సొంతం చేసుకున్న ఈ చిత్రం ఎక్కువ లైక్స్ తో కూడా రికార్డ్ సృష్టిస్తోంది. బాహుబలి ని టచ్ చెయ్యడం ఇక షారూక్ , ఆమిర్ , సల్మాన్ ల వల్ల కూడా కాదేమో.