హాలీవుడ్లో ఇటీవల విడుదలైన F1 అనే చిత్రం, ప్రముఖ నటుడు బ్రాడ్ పిట్ ప్రధాన పాత్రలో నటించిన ఈ అడ్రినలిన్-ఫుల్ రేసింగ్ డ్రామా, ప్రపంచవ్యాప్తంగా ప్రేక్షకులను మెప్పిస్తోంది. స్పీడ్, ఎమోషన్స్, మరియు ఆకర్షణీయమైన కథనంతో రూపొందిన ఈ స్పోర్ట్స్ డ్రామా ప్రత్యేకంగా రేసింగ్ ప్రియులు, సినిమా ప్రేమికుల హృదయాలను గెలుచుకుంటోంది.
ప్రభాస్, దర్శకుడు ప్రశాంత్ నీల్ వంటి ప్రముఖులు థియేటర్లో F1 సినిమా చూస్తూ కనిపించగా, వీరి ఫొటోలు నెట్టింట్లో వైరల్ అవుతున్నాయి. ఈ నేపథ్యంలో టాలీవుడ్ నిర్మాత నాగ వంశీ తన అభిప్రాయాన్ని వ్యక్తం చేశారు. 2019లో విడుదలైన తెలుగు స్పోర్ట్స్ డ్రామా Jersey మధ్య ఒక ఆసక్తికరమైన పోలికను చూపించారు.
ఎఫ్1 సినిమాను చూస్తుండగా నాకు జెర్సీ గుర్తొచ్చింది అని ఆయన ఓ ఇంటర్వ్యూలో తెలిపారు. “ఎవరో నన్ను ట్రోల్ చేస్తారేమో, లేదా వివాదాస్పదంగా భావించవచ్చు — కానీ నేను నిజంగా అనుభవించిన భావం అదే. నేను ఎఫ్1ను ఎంతో ఇష్టపడ్డాను, అయితే చివర్లో కనిపించే అనిశ్చితత, భావోద్వేగ పరమైన ఉద్రిక్తత, ఆరోగ్య సమస్య అంశం — ఇవన్నీ నాకు జెర్సీని గుర్తు చేశాయి అని చెప్పారు.
జెర్సీ సినిమాను నాగ వంశీనే నిర్మించారు. ఇందులో నాని హీరోగా నటించగా, గౌతమ్ తిన్ననూరి దర్శకత్వం వహించారు.