’సైరా’ సినిమా ఎంత పెద్ద సంచలన విజయం సొంతం చేసుకుందో అందరికి తెలిసిందే. ఈ సినిమాలో పెద్ద పెద్ద స్టార్స్ నటించారు. అమితాబ్, సుదీప్, జగపతిబాబు, విజయ్ సేతుపతి, నయనతార, తమన్నా వంటి స్టార్స్ నటించారు. ఈ సినిమాలో గోసాయి వెంకన్న గా నరసింహా రెడ్డి గురువు గా అమితాబ్ బచ్చన్ నటించారు. ఆయన పాత్రకు ఎంతో పేరు వచ్చింది.
అయితే చిరుతో ఉన్న ఫ్రెండ్ షిప్ కారణంగా అమితాబ్ ఈ సినిమాలో నటించాడు. పారితోషకం తీసుకోకుండా సొంత ఖర్చులతో షూటింగ్ కు వచ్చి వెళ్లేవారట. ఆయన స్నేహాన్ని వెలకట్టలేమని చెప్పిన చిరు.. ఇప్పుడు ఓ స్పేషల్ గిఫ్ట్ ఆయనకు అందించనున్నారట. కొణిదెల ప్రొడక్షన్స్ తరపున మెగా పవర్ స్టార్ రామ్ చరణ్ ప్రేమతో అమితాబ్ కు ఖరీదైన కారును గిఫ్ట్ గా ఇవ్వనున్నారట.
రోల్స్ రాయిస్ ఫాంటమ్ లగ్జరీ కార్ ను కానుకగా ఇచ్చేందుకు చరణ్ ఆల్రెడీ ప్లాన్ చేశాడట. అమితాబ్ గ్యారేజీలో ఇప్పటికే ఎన్నో స్పెషల్ కార్లు ఉన్నాయి. ఇప్పుడు చరణ్ ఇచ్చే కారు వాటికన్న స్పెషల్ ఉండనుందని తెలుస్తోంది. ఈ కారు ఖరీదు 8 కోట్ల వరకు ఉండచ్చని తెలుస్తోంది.