బాలీవుడ్ గన్ షాట్ శత్రుఘ్నసిన్హా కూతురుగా హిందీ చిత్ర పరిశ్రమకు పరిచయం అయిన హీరోయిన్ సోనాక్షి సిన్హా. దబాంగ్ సినిమాతో ఒక రేంజ్ కు చేరిపోయి.. ఆ తర్వాత కూడా బాలీవుడ్ లో స్టార్ హీరోయిన్ గా చెలామణి అవుతున్న సోనాక్షి ఇప్పుడు రెమ్యూనరేషన్ విషయంలో కొత్త హైట్స్ కు చేరుతోంది.
కేవలం హీరోయిన్ గా మాత్రమే కాకుండా.. స్టేజి షోలతోనూ.. ఇతర కార్యక్రమాలతోనూ బిజీగా ఉండే సోనాక్షి ఆ విషయంలో పారితోషకాన్ని చుక్కల స్థాయికి తీసుకెళ్లింది.
ఇప్పుడు సోనాక్షితో ఒక స్టేజ్ షోను ఏర్పాటు చేయాలంటే గంటకు పదిలక్షల రూపాయలట! ప్రైవేట్ ఫంక్షన్లలో అయినా.. సినిమా ఫంక్షన్లలో అయినా డాన్సులు చేసే సోనాక్షి ఆ కార్యక్రమాల్లో గంటసేపు గడపడానికి పదిలక్షల రూపాయల సొమ్మును డిమాండ్ చేస్తున్నట్టుగా తెలుస్తోంది. మరి ఈ స్థాయి పారితోషకం తోపాటు ఆమె రానుపోను విమాన ఖర్చులు ఇతరాలు కూడా ఆ కార్యక్రమ నిర్వాహకులే భరించాలని తెలుస్తోంది. మరి ఇంత స్థాయిలో డిమాండ్ చేస్తున్నా సోనాక్షి కోసం అయితే కార్యక్రమాల నిర్వాహకులు పోటీలు పడుతున్నారు. ఆమె అంత అడుగుతున్నా ఇచ్చి మరీ ఆమెను తమ కార్యక్రమాలకు ఆహ్వానిస్తున్నారు. మరి అదీ సోనాక్షి స్థాయి.