భారత సీనియర్ పేసర్ భువనేశ్వర్ కుమార్ మళ్లీ భారత జట్టులోకి వచ్చాడు. దాదాపు నాలుగేళ్ల విరామం తర్వాత అతడు అంతర్జాతీయ టీ20ల్లో అడుగుపెడుతున్నాడు. న్యూజిలాండ్‌తో త్వరలో జరగనున్న ఐదు మ్యాచ్‌ల టీ20 సిరీస్ కోసం బీసీసీఐ సెలక్టర్లు మంగళవారం జట్టును ప్రకటించారు. ఈ జట్టుకు శ్రేయస్ అయ్యర్ కెప్టెన్గా వ్యవహరించనున్నాడు.
ఈ సిరీస్ నుంచి స్టార్ బౌలర్ జస్‌ప్రీత్ బుమ్రాకు సెలక్టర్లు విశ్రాంతి కల్పించారు. తిలక్ వర్మకు వైస్ కెప్టెన్ బాధ్యతలను అప్పగించారు. వికెట్ కీపర్లుగా సంజు శాంసన్, ఇషాన్ కిషన్‌లకు స్థానం లభించింది. యువ సంచలనం వైభవ్ సూర్యవంశీతో పాటు అభిషేక్ శర్మ, నితీశ్‌ కుమార్ రెడ్డి కూడా ఈ జట్టులో చోటు దక్కించుకున్నారు.
మరోవైపు ఆల్‌‌రౌండర్లుగా అక్షర్ పటేల్, శివమ్ దూబే, నమన్ ధిర్ ఎంపికయ్యారు. బౌలింగ్ విభాగంలో భువనేశ్వర్‌తో పాటు అర్ష్దీప్ సింగ్, మయాంక్ యాదవ్, ప్రిన్స్ యాదవ్ పేస్ భారాన్ని మోయనున్నారు. స్పిన్ విభాగంలో కుల్‌దీప్ యాదవ్, వరుణ్ చక్రవర్తి తమ సత్తా చాటేందుకు సిద్ధమయ్యారు.
భారత టీ20 జట్టు:
శ్రేయస్ అయ్యర్ (కెప్టెన్), తిలక్ వర్మ (వైస్ కెప్టెన్), అభిషేక్ శర్మ, సంజు శాంసన్, వైభవ్ సూర్యవంశీ, ఇషాన్ కిషన్, అక్షర్ పటేల్, శివమ్ దూబే, నితీశ్‌ కుమార్ రెడ్డి, నమన్ ధిర్, ప్రిన్స్ యాదవ్, మయాంక్ యాదవ్, అర్ష్దీప్ సింగ్, భువనేశ్వర్ కుమార్, వరుణ్ చక్రవర్తి, కుల్‌దీప్ యాదవ్.
దీంతో పాటే బీసీసీఐ సెలక్షన్ కమిటీ ‘భారత్-A’ జట్టును కూడా ప్రకటించింది. ఈ జట్టుకు ధ్రువ్ జురెల్ కెప్టెన్గా ఎంపికయ్యాడు. ఇందులో కేఎల్ రాహుల్, యశస్వి జైస్వాల్, వాషింగ్టన్ సుందర్, రిషభ్ పంత్, సాయి సుదర్శన్, దేవదత్ పడిక్కల్, మానవ్ సుతార్, ముకేశ్ చౌదరి, అకిబ్ నబీ, రవిచంద్రన్ స్మరణ్, ఆకాశ్‌ దీప్, యశ్‌ రాథోడ్, అన్షుల్ కాంబోజ్, ముకేశ్ కుమార్‌లకు స్థానం దక్కింది.