- Advertisement -
అమెరికా 46వ అధ్యక్షునిగా జో బైడెన్ బుధవారం ప్రమాణ స్వీకారం చేశారు. ఆ వెంటనే నూతన పాలక వర్గానికి సంబంధించిన అన్ని ట్విట్టర్ ఖాతాలను ఆ సంస్థ అధికారికంగా బదిలీ చేసింది. నిన్నటి వరకు ప్రెసిడెంట్ ఎలక్ట్గా ఉన్న బైడెన్ ఖాతా(@PresElectBiden) ఇప్పుడు పోటస్గా(@POTUS) మారిపోయింది. అలాగే వైస్ ప్రెసిడెంట్, వైట్హౌస్, ఫ్లోటస్ల అధికారిక ఖాతాలు బదిలీ అయ్యాయి.
POTUS అంటే.. అమెరికా అధ్యక్షుడికి సంక్షిప్త రూపం. FLOTUS అంటే అమెరికా తొలిమహిళ అని అర్థం.ట్విట్టర్లోని ఈ ఖాతాలన్నీ ఏ ఒక్క వ్యక్తికీ శాశ్వతంగా ఉండవు. ప్రభుత్వం మారినప్పుడల్లా ఈ ఖాతాలూ మారుతూ ఉంటాయి.
అమెరికా మాజీ అధ్యక్షుడు ట్రంప్కు చెందిన @POTUS ఖాతా ఇకపై @POTUS45 గా మారనుంది. అంతకుముందు ఒబామా పదవీకాలం ముగిసిన అనంతరం.. ఆయన వినియోగించిన ఖాతాను POTUS44 గా మార్చేసింది ట్విట్టర్.