దేశంలో కరోనా వ్యాక్సిన్ల సరఫరా విషయంలో అమెరికా అధ్యక్షుడు డొనాల్డ్ ట్రంప్ యంత్రాంగంపై విమర్శల వర్షం కురిపించారు అధ్యక్ష ఎన్నికల విజేత జో బైడెన్. పంపిణీ ప్రక్రియ చాలా నెమ్మదిగా సాగుతున్నట్టు అభిప్రాయపడ్డారు.తాను అధ్యక్ష పదవిని చేపట్టిన అనంతరం.. రోజుకు మిలియన్ టీకాలు అందే విధంగా చర్యలు చేపడతానని హామీనిచ్చారు బైడెన్. అయినప్పటికీ.. అమెరికన్ జనాభాలో మెజారిటీ మందికి వ్యాక్సిన్ అందేసరికి నెలలు గడిచిపోతాయన్నారు.
అమెరికాను సరైన మార్గంలో నడిపించేందుకు తాను ఏది చేయడానికైనా సిద్ధమని పునరుద్ఘాటించారు డెమొక్రటిక్ నేత.అమెరికాలోని కొలొరాడోలో కొత్త రకం కరోనాను గుర్తించారు. బ్రిటన్లో వెలుగు చూసిన ఈ కరోనా స్ట్రెయిన్.. అమెరికాలో కనపడటం ఇదే తొలిసారి. 20ఏళ్ల వ్యక్తికి ఈ రకం వైరస్ సోకినట్టు.. అతను ప్రస్తుతం అసొలేషన్లో ఉన్నట్టు అధికారులు వెల్లడించారు. అయితే ఇటీవలి కాలంలో అతడు ఎక్కడికి ప్రయాణించకపోవడం ఆందోళన కలిగించే విషయం.