మాస్ మహారాజ రవితేజ (Ravi Teja) హీరోగా, టాలెంటెడ్ డైరెక్టర్ శివ నిర్వాణ దర్శకత్వంలో తెరకెక్కిన అత్యంత ప్రతిష్టాత్మక చిత్రం ‘ఇరుముడి’ (Irumudi). ప్రముఖ నిర్మాణ సంస్థ మైత్రీ మూవీ మేకర్స్ పతాకంపై ఈ సినిమాను నిర్మిస్తున్నారు. ఈ చిత్రంలో రవితేజ సరసన ప్రియా భవానీ శంకర్ కథానాయికగా నటిస్తుండగా, సాయికుమార్, బేబీ నక్షత్ర, అజయ్ ఘోష్ తదితరులు కీలక పాత్రల్లో అలరించనున్నారు. అన్ని కార్యక్రమాలను పూర్తి చేసుకుని ఈ సినిమా ఆగస్టు 21న గ్రాండ్గా థియేటర్లలో విడుదల కానుంది. ఈ నేపథ్యంలో చిత్ర బృందం ప్రమోషన్స్ను మరింత వేగవంతం చేసింది.
సినిమాపై అంచనాలను పెంచేలా తాజాగా మేకర్స్ ఈ సినిమా నుంచి రెండో పాటను (Yaalalo Yaalalo Song) అధికారికంగా విడుదల చేశారు. ‘యాలాలో యాలాలో వెన్నెట్లో ఎన్నెన్ని ముచ్చట్లో’ అంటూ సాగే ఈ మెలోడియస్ సాంగ్ శ్రోతలను ఎంతగానో ఆకట్టుకుంటోంది. ప్రముఖ గీత రచయిత అనంతశ్రీరామ్ అందించిన అద్భుతమైన సాహిత్యం ఈ పాటకు ప్రాణం పోసింది. పల్లెటూరి వాతావరణం, ఇద్దరి మధ్య కుదిరిన స్వచ్ఛమైన ప్రేమ భావాలను ప్రతిబింబించేలా ఈ పాట సాగుతుంది. రవితేజ కెరీర్లో ఇదొక డిఫరెంట్ ఫ్యామిలీ అండ్ ఎమోషనల్ ఎంటర్టైనర్గా నిలుస్తుందనడంలో ఎలాంటి సందేహం లేదు.
శివ నిర్వాణ తనదైన శైలిలో భావోద్వేగాలను, కుటుంబ విలువలను మేళవిస్తూ ఈ చిత్రాన్ని తెరకెక్కించినట్లు తెలుస్తోంది. ఇప్పటికే విడుదలైన ప్రచార చిత్రాలకు ప్రేక్షకుల నుంచి అద్భుతమైన స్పందన లభించగా, తాజాగా విడుదలైన ఈ మెలోడీ సాంగ్ సినిమాపై హైప్ను మరింత పెంచేసింది. ఆగస్టు 21న రాబోతున్న ఈ సినిమాతో రవితేజ మరోసారి బాక్సాఫీస్ వద్ద తన సత్తా చాటడానికి సిద్ధమవుతున్నారు.