గవర్నర్ వద్దకు చేరిన డ్రోన్ పంచాయితీ…

రెండు రోజులగా ఏపీలో జరగుతున్న డ్రోన్ రచ్చ పంచాయితీ గవర్నర్ వద్దకు చేరింది. బాబు నివాసం వద్ద డ్రోన్ ఎగరడాన్ని టీడీపీ నేతలు తప్పుబడుతున్నారు. రాష్ట్రప్రభుత్వం, డీజీపీ డ్రోన్ ఎగరడంపై క్లారిటీ ఇచ్చినా టీడీపీ నేతలు మాత్రం శాంతించలేదు. ఈ విషయాన్ని చాలా సీరీయస్ గా తీసుకున్న టీడీపీ నేతలు సోమవారం గవర్నర్ బిశ్వ భూషణ్ కి ఫిర్యాదు చేశారు. ఈ మేరకు నాలుగు పేజీల లేఖను గవర్నర్ కు అందజేశారు. డ్రోన్ ఎగురవేసిన వారిపై చర్యలు తీసుకోవాలని కోరారు. చంద్రబాబు భద్రతను తగ్గించిన జగన్ ప్రభుత్వం, హైకోర్టు కల్పించుకున్న తరువాతే తిరిగి పునరుద్ధరించిందని గుర్తు చేశారు.