డబ్బులు చెట్లకు కాయడమేంటి అని ఆశ్యర్యపోతున్నారు కదూ. నిజమే ఇంగ్లండ్ లోని వుడ్ ల్యాండ్ అనేప్రాంతంలో నిజంగానే చెట్లల్లో డబ్బులు దర్శనమిస్తాయి. అయితే అవి కాయలు, పువ్వులు లాగే కాసినవి కావు.
కొన్ని వందల ఏళ్ల క్రితం ఈ ప్రాంతంలో ఉండే స్థానికులు డబ్బులను ఇలా చెట్ల కాండాలకు గుచ్చేవారట. ఆ చెట్లపై దేవతలు నివసిస్తారని, ఇలా నాణాలను చెట్లపై ఉంచితే దేవతలు తమ కోరికలను తీరుస్తారని వారు నమ్మేవారట. ఇప్పటికీ ఈ ఆచారాన్ని అక్కడ చాలామంది పాటిస్తున్నారట. ముఖ్యంగా క్రిస్ మస్ రోజు ఇలా చెట్లకు డబ్బులు గుచ్చేవారు ఎక్కువగా ఇక్కడకి వస్తుంటారని స్థానికులు చెబుతున్నారు.
దీంతో ఇప్పుడు ఆ ప్రాంతంలోని ప్రతి చెట్టు డబ్బులతో దర్శనమిస్తుంటుంది. ఈ ట్రీలను మనీ ట్రీలుగా పిలుస్తుంటారు. ఏమైనా కొత్తవారికి వాటిల్ని చూస్తే నిజంగానే డబ్బులు చెట్లకు కాస్తున్నాయని అనిపిస్తుంది కదండీ.
{youtube}m481uO7fMlU{/youtube}