వ్యాయామం ఏటైంలో మంచిది?

కాలుష్యం పెరిగిన రోజుల్లో బయట వ్యాయామం చేయాలా? ఏ సమయాలు సురక్షితం? ఎప్పుడు బయటకు వెళ్లకూడదు? అధిక AQI ఉన్నప్పుడు మీ లంగ్స్‌ ఎలా రక్షించుకోవాలి? . AQI పెరిగి ఆకాశం పొడి బూడిద రంగులోకి మారినప్పుడు, చాలామంది ప్రయాణం, చర్మం లేదా దృశ్యమానత గురించి ఆలోచిస్తారు. కానీ బయట వ్యాయామం చేయాలా వద్దా అనేది మాత్రం నిర్లక్ష్యం చేస్తారు. కాలుష్యం ఉన్నప్పుడు మీరు ఎక్కడ, ఎప్పుడు వ్యాయామం చేస్తున్నారన్నది ఊహించిన దానికంటే ఎక్కువ ప్రాధాన్యం కలిగి ఉందని నిపుణులు చెబుతున్నారు.

సాధారణంగా చాలామంది తెల్లవారుజామున వ్యాయామం ఉత్తమమని భావిస్తారు. అయితే కాలుష్యం పెరిగిన రోజుల్లో ఇది ప్రమాదకరం కావచ్చు. రాత్రంతా చల్లని గాలి నిలకడగా ఉండటం వల్ల కాలుష్యం నేలకు దగ్గరగా చిక్కుకుపోతుంది. కాబట్టి ఉదయం 5 నుండి 8 గంటల మధ్య గాలి ఎక్కువగా కాలుష్యంతో నిండి ఉంటుంది.

సూర్యుడు ఉదయించిన తర్వాత వాతావరణం వేడెక్కడంతో కాలుష్యం కొంత మేరకు వ్యాపిస్తుంది. అందుకే ఉదయం 11 గంటల లోపల, లేదా 11 am – 3 pm మధ్యాహ్నం సమయం తక్కువ ప్రమాదకరంగా ఉంటుంది — అయితే AQI “poor/very poor” లో లేకపోతే మాత్రమే.

రోజు బయటకు వెళ్ళే ముందు రియల్‌టైమ్ AQI తప్పనిసరిగా చెక్ చేయాలి. కాలుష్యం సురక్షిత పరిమితులు దాటితే బయట వ్యాయామం చేయడం శరీరానికి వెంటనే ఇబ్బందులు తెచ్చిపెడుతుంది — దగ్గు, శ్వాసలో ఇబ్బంది, ఛాతి బిగుసుకుపోవడం, గొంతు మంట మొదలైనవి.

ఇన్‌డోర్ వ్యాయామానికి సూచనలు:

ఎయిర్ ప్యూరిఫైయర్ ఉంటే వాడండి

గది గాలి సరైన రీతిలో తిరుగుతున్నదో చూసుకోండి

అధిక తీవ్రత వ్యాయామాలను తగ్గించండి

ఆస్తమా, అలెర్జిక్ బ్రోంకైటిస్, COPD, తరచు శ్వాస సంబంధిత ఇన్ఫెక్షన్ ఉన్న వారు ప్రత్యేక జాగ్రత్తలు తీసుకోవాలి.

సురక్షితంగా ఉండి వ్యాయామం కొనసాగించేందుకు చిన్న అలవాట్లు

బాగా నీరు తాగడం — గాలిలోని పొడి వల్ల వచ్చే ఇర్రిటేషన్ తగ్గుతుంది

సరిగా వార్మ్‌అప్ చేయడం

వ్యాయామం తర్వాత కూల్‌డౌన్

ట్రాఫిక్ ఉన్న రోడ్లను, ఎక్కువ వాహనాల సమయాలను తప్పించడం

పట్టణాల్లో కాలుష్యం పూర్తిగా తగ్గకపోయినా, సరైన జాగ్రత్తలతో వ్యాయామం మాత్రం ఆపాల్సిన అవసరం లేదు.