క్వాలిఫైయర్-2లో సన్‌రైజర్స్ హైదరాబాద్ జట్టు కోల్‌కతా నైట్ రైడర్స్‌తో తలపడనుంది. ఈడెన్‌ గార్డెన్స్‌లో మ్యాచ్ జ‌ర‌గ‌నుంది. ఈ మ్యాచ్‌లో గెలిచిన జట్టు ఫైన‌ల్లో చెన్నైసూప‌ర్ కింగ్స్‌తో తలపడనుంది. మొద‌టి నుంచి హైదరాబాద్ మంచి ప్ర‌ద‌ర్శ‌న‌ను క‌న‌బ‌రుస్తూ వ‌చ్చింది.
కీలక మ్యాచ్ స‌మ‌యంలో ఆజ‌ట్టుకు మాజీ కెప్టెన్ డేవిడ్ వార్నర్ జట్టు సభ్యులకు సందేశం పంపాడు. ఈ రాత్రి జరిగే మ్యాచ్ కోసం తన జట్టుకు గుడ్ లక్ చెప్పిన వార్నర్.. హైదరాబాద్ గర్వించేలా చేయాలని తన సహచరులకు పిలుపునిచ్చాడు.
గత మార్చిలో దక్షిణాఫ్రికా పర్యటనలో బాల్ ట్యాంపరింగ్ వివాదం కారణంగా వార్నర్‌పై ఏడాది నిషేధం వేటు పడిన సంగతి తెలిసిందే. దీంతో వార్నర్ ఐపీఎల్‌కూ దూరమయ్యిన సంగతి తెలిసిందే.
సన్‌రైజర్స్ తొలి క్వాలిఫయర్‌లో చెన్నై చేతుల్లో అనూహ్యంగా ఓడిన సంగతి తెలిసిందే. టాస్ ఓడి ముందుగా బ్యాటింగ్ చేసిన హైదరాబాద్ 139 పరుగులు మాత్రమే చేయగా.. చెన్నై జట్టు 92 పరుగులకే ఏడు వికెట్లు కోల్పోయి ఓటమి దిశగా సాగింది. కానీ చివరి మూడు ఓవర్లలో డుప్లెసిస్ బ్యాట్ ఝుళిపించడంతో చెన్నై అనూహ్య విజయం సాధించింది.
Good luck to @SunRisers tonight. Do Hyderabad proud gentleman 🏏🏏🏏
— David Warner (@davidwarner31) May 25, 2018