వార్న‌ర్‌, స్మిత్‌కు షాక్ ఇచ్చిన క్రికెట్ ఆస్ట్రేలియా..

బాల్‌ ట్యాంపరింగ్‌ ఉదంతంతో అంతర్జాతీయ క్రికెట్‌కు దూరమైన ఆస్ట్రేలియా క్రికెటర్లు స్టీవ్‌ స్మిత్‌, డేవిడ్‌ వార్నర్‌ల‌కు క్రికెట్ ఆస్ట్రేలియా షాక్ ఇచ్చింది. ఈనెల 28తో ఇద్ద‌రిపై ఉన్న నిషేధం పూర్త‌వుతుంది. గత ఏడాది దక్షిణాఫ్రికా పర్యటనలో బాల్ టాంపరింగ్‌కి పాల్పడిన ఈ ఇద్దరిపై క్రికెట్ ఆస్ట్రేలియా (సీఏ) ఏడాది నిషేధం విధించిన విషయం తెలిసిందే. జాతీయ జ‌ట్టులోకి పున‌రాగ‌మ‌నం చేయాల‌నుకున్న ఇద్ద‌రికి నిరాశె మిగిలింది. పాకిస్తాన్‌తో జరిగే 5 వన్డేల సిరీస్ కు క్రికెట్ ఆస్ట్రేలియా జట్టుని ప్రకటించింది. పాక్ సిరీస్‌తో ఇద్ద‌రు ఆట‌గాళ్లు పునరాగమనం చేస్తారని అందరూ భావించారు. కానీ క్రికెట్‌ ఆస్ట్రేలియా(సీఏ) మాత్రం పాకిస్తాన్‌తో జరిగే సిరీస్‌కు ఎంపిక చేసిన జట్టులో ఈ నిషేధిత ఆటగాళ్లకు అవకాశం కల్పించలేదు. స్మిత్‌, డేవిడ్‌ వార్నర్‌లు గాయాల నుంచి కోలుకోవడంపై దృష్టి పెట్టారని, వారి పునరాగమనానికి ఇండియన్‌ ప్రీమియల్‌ లీగ్‌(ఐపీఎల్‌) సరైనదిగా భావిస్తున్నారని ఆ జట్టు సెలక్షన్‌ ఛైర్మెన్‌ ట్రెవెర్‌ హాన్స్‌ తెలిపారు.డేవిడ్‌ వార్నర్‌ సన్‌రైజర్స్‌ హైదరాబాద్‌ తరఫున, స్మిత్‌ రాజస్థాన్‌ నుంచి బరిలోకి దిగుతారని పేర్కొన్నారు.