మిథాలీ రాజ్ ఈ పేరు మహిళా క్రికెట్లో సంచ‌ల‌నం అనే చెప్పాలి.పురుష‌ల‌తో స‌మానంగా కాక పోయిన మహిళా క్రికెట్‌కు అద‌ర‌ణ వ‌చ్చింది అంటే అది ఆమె వ‌ల్ల‌నే అని చెప్పాలి. పురుషుల క్రికెటర్ల గురించి ప్రస్తావిస్తేనే చిర్రుబుర్రులాడే భారత మహిళా కెప్టెన్‌ మిథాలీ రాజ్ తొలి సారి కెప్టెన్‌ కోహ్లిపై ప్రశంసల జల్లు కురిపించారు.ఫిట్‌నెస్‌ విషయంలో కోహ్లి తనకు స్పూర్తిని కలిగిస్తున్నాడని ఓ జాతీయ చానెల్‌ ఇంటర్వ్యూలో తెలిపారు.
తన కెరీర్‌ తొలిరోజుల్లో మహిళల క్రికెట్‌కు అంతగా ఆదరణ లేదని, కానీ ఇప్పడు మహిళా క్రికెటర్లను గుర్తించి గౌరవించడం సంతోషంగా ఉందని మిథాలీ పేర్కొన్నారు. క్రికెట్ శకం మొదలైన సమయంలోనే అరంగేట్రం చేసినప్పటికి అంతగా గుర్తింపు దక్కలేదన్నారు. ఇక తనపై చేసే విమర్శలపై స్పందిస్తూ కాలాన్ని వృథా చేసుకోదలుచులేనని స్పష్టం చేశారు.
ఇక 2017 మహిళల ప్రపంచకప్‌లో భారత మహిళల జట్టు ఫైనల్‌కు చేరి ఇంగ్లండ్‌ చేతిలో ఓడినప్పటికి అందరి మన్ననలు పొందిన విషయం తెలిసిందే. ఇక బీబీసీ శక్తివంతమైన మహిళల జాబితాలో కూడా మిథాలీ స్థానం సంపాదించుకున్నారు.ఇక ఇటీవ‌లే ఆమె ఒక యాడ్‌లో న‌టించి అంద‌రిని ఆశ్చ‌ర్య‌ప‌ర్చింది.అందులో త‌ను క్రికెట్లో మాత్ర‌మే కాదు అందాల‌లో కుడా మేటి అని నిరుపించుకున్నారు.