నీ ధైర్యం చాలా గొప్పది – బిగ్ బి అమితాబ్

నటుడు ఇమ్రాన్ హష్మని బిగ్ బి అమితాబ్ బచ్చన్ పొగడ్తలతో ముంచెత్తారు. నీ ధైర్యానికి నా వందనాలు అంటూ ట్విట్ చేశారు అమితాబ్. ఇమ్రాన్ హష్మి ఆరేళ్ల కుమారుడు అయాన్ కిడ్నీ సంబంధిత క్యాన్సర్ తో బాధపడుతున్నాడు. అతడ్ని ఈ వ్యాధి నుంచి కాపాడేందుకు ఇమ్రాన్ హష్మి కొడుకుకు కెనడాలో వైద్యం చేయించారు.

అయాన్ ఇప్పుడిప్పుడే కోలుకుంటున్నాడు. తండ్రిగా ఇమ్రాన్ హష్మి ధైర్యానికి ముచ్చటపడిన అమితాబ్ నువ్వు చాలా గొప్పొడివి అంటే ట్విట్ చేశారు. దీనికి స్పందించిన ఇమ్రాన్ హష్మి మీ కంటే ఈ లోకంలో ఇంకెవరు ధైర్యవంతులు, గొప్పవారు లేరు అంటూ తిరిగి ట్విట్ చేశారు.

ఇమ్రాన్ కుమారుడి వ్యాధి, తల్లితండ్రులు పడిన మానసిక క్షోభపై రాసిన కిస్ ఆఫ్ లైఫ్ పుస్తకాన్ని ఢిల్లీ ముఖ్యమంత్రి అరవింద్ కేజ్రీవాల్ ఓ కార్యక్రమంలో ఆవిష్కరించారు. ఈ సందర్భంగా ఆయన కూడా ఇమ్రాన్ హష్మ ధైర్యాన్ని కొనియాడారు.