యాంకర్ సుమ గ‌త కొన్నేళ్లుగా వ్యాఖ్య‌తగా వ్య‌వ‌హరిస్తున్న స్టార్ మహిళ ప్రొగ్రాంను ఆపేస్తున్న‌ట్లు యాజ‌మాన్యం ప్ర‌క‌టించింది.తెలుగు టెలివిజన్ రంగంలో సుమ చేసినన్ని కార్యక్రమాలు మరే యాంకర్ చేయలేదంటే అతిశయోక్తి కాదు. 12 ఏళ్ళుగా ‘స్టార్ మహిళ’ అనే కార్యక్రమాన్ని ఏ మాత్రం బోర్ అనిపించకుడా ఒంటి చేత్తో ముందుకు న‌డిపించిన సుమ ఇక ‘స్టార్ మహిళ’కు ఫుల్ స్టాప్ పెట్టనున్నారు. ఈటీవీలో మ‌ధ్యాహ్నం ఒంటి గంట‌కి ప్ర‌సార‌మ‌య్యే ఈ షోలో మహిళలతో ఆడించి, పాడించి, వారిలో ఉత్సాహాన్ని నింపి స్టార్ మహిళలుగా మనకు వినోదాన్ని అందించిన సుమ మూడు వేల‌కి పైగా ఎపిసోడ్స్‌ని పూర్తి చేసింది.
స్టార్ మహిళకు 12 ఏళ్ళుగా 3 వేల ఎపిసోడ్ లకు పైగా వ్యాఖ్యాతగా వ్యవహరించిన సుమకు ఈ షో ద్వారా ‘లిమ్కా బుక్ ఆఫ్‌ రికార్డ్స్‌’లో చోటు కూడా దక్కింది.ఈ కార్యక్రమాన్ని ఆపనున్నట్టు చెప్పి, ‘ఆదరించిన ప్రతి ఒక్కరికి కృతజ్ఞతలు’ అంటూ తనఫేస్ బుక్ బుక్ పేజ్ ద్వారా తెలిపారు.మరో సరికొత్త కార్యక్రమం ప్రేక్షకుల ముందుకు రానున్నట్టు సుమ తెలిపారు.