త్రివిక్రమ్ శ్రీనివాస్. స్టార్ డైరక్టర్. దిల్ రాజు. పెద్ద సినిమాలతో హిట్ కొట్టిన నిర్మాత. వీరిద్దరి కాంబినేషన్ లో ఓ సినిమా రూపుదిద్దుకోబోతోంది. ప్రేమకథలతో పాటు యువతను ఆకట్టుకునే చిత్రాలు తీయడంలో త్రివిక్రమ్ హిట్ డైరక్టర్ గా పేరు తెచ్చుకున్నారు. ఇక దిల్ రాజు కూడా భారీ చిత్రాలు నిర్మించి పెద్ద నిర్మాతగా మారారు.
ఇప్పుడు వీరిద్దరు కలిసి ఓ భారీ చిత్రాన్ని తీయాలని సంకల్పించారు. వీరిద్దరి కాంబినేషన్ లో వచ్చే సినిమాలో పెద్ద హీరో నటించే అవకాశం ఉందని నిర్మాత దిల్ రాజు చెబుతున్నారు. ప్రస్తుతం కథ చర్చలు జరుగుతున్న ఈ చిత్రం అన్ని ఏర్పాట్లు పూర్తి చేసుకుని మరో రెండు నెలల్లో షూటింగ్ ప్రారంభించవచ్చు. ఇది కూడా ప్రేమ, యాక్షన్ ఒరియంటెండ్ చిత్రమని నిర్మాత అంటున్నారు. ఇక ఇటీవలే విడుదలైన అఆ చిత్రం త్రివిక్రమ్ అద్భుతంగా తెరకెక్కించారని దిల్ రాజు ప్రసంశలతో ముంచెత్తారు.