లేడీ ఓరియంటెడ్ మూవీలో ఫిదా బ్యూటీ…

ఫిదా, ఎంసీఏ చిత్రాల ద్వారా చక్కటి నటిగా తెలుగులో గుర్తింపు తెచ్చుకున్న తమిళ బ్యూటీ పొన్ను సాయిపల్లవి. ఎంత పేరు తెచ్చుకుందో అంతే వివాదాస్పాదాలు తెచ్చుకుంది. అయితే ఇప్పుడు అద్భుత‌మైన ఆఫ‌ర్ ప‌ల్ల‌వి త‌లుపు త‌ట్టింది. హీరోయిన్ ప్రాధాన్యమున్న ఓ చిత్రంలో నటించేందుకు ఆమె పచ్చజెండా ఊపినట్లు జోరుగా ప్రచారం జరుగుతోంది.

ఇటీవల విడుదలై సక్సెస్ టాక్ తెచ్చుకున్న ‘నీది నాది ఒకే కథ’ చిత్రం దర్శకుడు వేణు ఉడుగుల ఓ నవతరం యువతి నేపథ్యంలో సాగే కథని సిద్ధం చేశారంట‌. ఆస్టోరీని సాయిపల్లవికి వినిపించారని, అది ఆమెకు నచ్చడంతో నటించడానికి ఓకే చెప్పిందని సమాచారం. సాయిపల్లవి మొదట్నుంచీ మంచి పాత్రలైతేనే ఓకే చెబుతోంది. ఒకవేళ తనకు నచ్చకపోతే నిర్మొహమాటంగా రెజక్ట్ చేస్తోంది. మరి ఈ సినిమాకు ఆమె గ్రీన్ సిగ్నల్ ఇచ్చిందంటే ఆ కథలో తప్పక బలముంటుందని తెలుస్తోంది.