పటాస్ సినిమా తరవాత చాలా జాగ్రత్తగా తన కెరీర్ ని ప్లాన్ చేస్తున్నాడు హీరో కళ్యాణ్ రామ్ . కంగారు పడిపోయి వరసగా హిట్లు కొట్టేయ్యాలనే ఆలోచన లేకుండా నెమ్మది నెమ్మదిగా కథ తో పాటు కథనం కూడా సరిగ్గా ఇవ్వగలడు అనే డైరెక్టర్ ఉన్నప్పుడే ఆ సినిమాకి సంతకం పెడుతున్నాడు. ఇప్పటికే ఇజం సినిమా అంటూ పూరీ జగన్నాథ్ తో ప్రయోగం చేస్తున్న కళ్యాణ్ ఇప్పుడు రెండు సినిమాలు కమిట్ అయ్యాడు.
ఆల్రెడీ సాయిధరమ్ తేజ్ తో కలిసి ఎ.ఎస్.రవికుమార్ చౌదరితో ఓ మల్టీస్టారర్ చేయడానికి కళ్యాణ్ రామ్ గ్రీన్ సిగ్నల్ ఇచ్చిన సంగతి తెలిసిందే. తాజాగా కామెడీ చిత్రాల స్పెషలిస్టు జి.నాగేశ్వరరెడ్డితో ఓ సినిమా కమిటయ్యాడు. చాలా వరకు సీరియస్ సినిమాలే చేసే కళ్యాణ్ రామ్.. కామెడీ సినిమాలకు పెట్టింది పేరైన నాగేశ్వరరెడ్డితో జట్టు కట్టబోతుండటం ఆశ్చర్యం కలిగించే విషయమే.
ఈ సినిమాని భారీ సినిమాల నిర్మాత బీవీవీయెన్ ప్రసాద్ నిర్మించడం విశేషం. బాలకృష్ణ ఫేమస్ పాత ‘ దంచవే మేనత్త కూతురా ‘ లోంచి లిఫ్ట్ చేసిన ఈ టైటిల్ సినిమాకి హై లైట్ కాబోతోంది.
Related