రామ్ గోపాల్ వర్మ దర్శకత్వంలో నాగార్జున కథానాయకుడిగా ఒక సినిమా రూపొందుతోంది. యాక్షన్ ఎంటర్టైనర్ గా రూపొందుతోన్న ఈ సినిమాలో నాగార్జున పవర్ఫుల్ పోలీస్ ఆఫీసర్ గా కనిపించనున్నారు. కొన్ని రోజులుగా ఈ సినిమా షూటింగ్ ముంబైలో జరుగుతోంది. ప్రధానమైన పాత్రలకి సంబంధించిన కొన్ని ముఖ్యమైన సన్నివేశాలను అక్కడ చిత్రీకరిస్తున్నారు. ఈ సినిమాకి ‘ఆఫీసర్’ అనే టైటిల్ ను ఖరారు చేసే ఛాన్స్ ఉందంటూ వార్తలు వచ్చాయి.
మొన్న ఫ‌స్ట్ లుక్ విడుదల చేస్తార‌ని, టైటిల్ ఏంటో ప్ర‌క‌టిస్తార‌ని చెప్పుకున్నారు. ఇందుకు సంబంధించి చిత్ర‌బృందం ఓ ప్ర‌క‌ట‌న కూడా చేసింది. అయితే శ్రీ‌దేవి హ‌ఠాన్మ‌ర‌ణంతో టైటిల్, ఫ‌స్ట్ లుక్ బ‌య‌ట‌కు రాలేదు. అయితే.. ఈ చిత్రానికి ‘ఆపీస‌ర్‌’ అనే టైటిల్‌ని ఖరారు చేసి వర్మ ఈ సినిమా ఫస్టులుక్ ను ట్విట్టర్ ద్వారా రిలీజ్ చేశాడు. ఆసక్తిని రేకెత్తిస్తూ ఫస్టులుక్ మోషన్ టీజర్ ను కూడా వదిలాడు.
గన్ తో షూట్ చేస్తూ నాగార్జున చాలా సీరియస్ లుక్ తో కనిపిస్తున్నారు. ఈ సినిమాను మే 25వ తేదీన విడుదల చేయనున్నట్టు ఫస్టులుక్ పోస్టర్ ద్వారానే స్పష్టం చేశాడు. ఈ సినిమాలో నాగార్జున సరసన మైరా సరీన్ నటిస్తోన్న సంగతి తెలిసిందే.
After all the negativity around Sridevi,I am truly wanting some positivity and releasing the title,first look poster and release date of my most ambitious film with @iamnagarjuna #NAGRGV4 is now #OFFICERhttps://t.co/AKe5VgUFKc
— Ram Gopal Varma (@RGVzoomin) February 27, 2018