వృద్ధుడిగా కనిపించనున్న నాని

వ‌రస సినిమాలు చేస్తు బిజీగా ఉన్నాడు న్యాచుర‌ల్ స్టార్ నాని.కృష్టార్జున యుద్దం ఫ్లాప్ కావ‌డంతో చాలా సెలెక్టివ్‌గా సినిమాలు చేస్తున్నాడు నాని.వైవిధ్యభరితమైన క‌థ‌ల‌ను ఎంచుకుంటు త‌న కెరీర్‌ను మ‌లుచుకుంటున్నాడు. ప్రస్తుతం ఆయన ఆదిత్య శ్రీరామ్ దర్శకత్వంలో ‘దేవదాస్ సినిమా చేస్తున్నాడు. ఈ సినిమాలో సీనియ‌ర్ హీరో నాగ‌ర్జున‌తో క‌లిసి సంద‌డి చేయ‌నున్నాడు నాని.

ఈ సినిమాతో పాటు ‘జెర్సీ మూవీని కూడా లైన్లో పెట్టాడు.క్రికెట్ నేపథ్యంలో సాగే ఈ సినిమాలో నాని మూడు డిఫరెంట్ లుక్స్ తో కనిపించనున్నాడు. యువకుడిగా .. మధ్య వయస్కుడిగా .. వృద్ధుడిగా ఆయన మూడు దశలలో తెరపై కనిపించనున్నాడని అంటున్నారు. సెప్టెంబర్ 2వ వారం నుంచి ఈ సినిమా రెగ్యులర్ షూటింగును ఆరంభించడానికి సన్నాహాలు చేసుకుంటున్నారు.