ముఖ దర్శకుడు రామ్‌గోపాల్ వర్మ రూపొందించిన లఘు చిత్రం ‘గాడ్ సెక్స్ అండ్ ట్రూత్’ఎంతటి ర‌చ్చ చేసిందో తెలిసిందే. వ‌ర్మ‌సినిమాను బ్యాన్ చేయాల‌ని మ‌హిళాసంఘాలు డిమాండ్ చేశాయి. అయినా వెబ్‌లో సినిమాని విడుద‌ల చేసింది విమియా సంస్థ.
సినిమా విషయంలో వర్మపై హైదరాబాద్ సైబర్ క్రైమ్ పోలీసులు కేసు నమోదుచేశారు. ‘గాడ్, సెక్స్ అండ్ ట్రూత్’ అంటూ శృంగారం పేరుతో అశ్లీల చిత్రాన్ని నిర్మించారంటూ ఆర్జీవీపై ఫిర్యాదు అందడంతో కేసు నమోదు చేసినట్టు సైబర్ క్రైమ్ అదనపు డీసీపీ రఘువీర్ తెలిపారు. ఈ కేసులో భాగంగా విచారణకు హాజరు కావాల్సిందిగా ఆయనకు నోటీసులు పంపనున్నట్టు తెలిపారు. నోటీసులకు స్పందించకుంటే అవసరమైతే అరెస్ట్ చేస్తామని అన్నారు. విచార‌న‌కు హాజరు అవుతారా అనేది ఇప్పుడు హాట్‌టాఫిక్‌గా మారింది.
మరోవైపు ‘జీఎస్టీ’ని ఉచితంగా చూసే అవకాశాన్ని కల్పించిన విమియా సంస్థ హైదరాబాద్ పోలీసుల ఆదేశాల మేరకు ఆ సౌకర్యాన్ని రద్దు చేసింది. కేవలం డబ్బులు చెల్లించి చూసే అవకాశాన్ని కల్పించగా, ఇప్పుడు అది కూడా రద్దు చేస్తున్నట్టు తెలిపింది. అంతర్జాలం ద్వారా దేశవ్యాప్తంగా ఈ చిత్రాన్ని మూడు డాలర్లకు డౌన్‌లోడ్‌ చేసుకునే సౌకర్యాన్ని రద్దు చేస్తున్నామంటూ విమియో సంస్థ తమకు అధికారికంగా రాసిన లేఖ అందిందని డీసీపీ రఘవీర్ తెలిపారు.
జీఎస్టీ చిత్రంపై మహిళ సంఘాలు నేతలు, సామాజిక కార్యకర్తలు ఆందోళనలు చేపట్టినా వర్మ మాత్రం వెనక్కుతగ్గలేదు. అంతేకాదు సామాజిక కార్యకర్త దేవిపై అభ్యంతరకరమైన వ్యాఖ్యలు చేయడంతో ఆమె పోలీసులకు ఫిర్యాదు చేశారు. జీఎస్టీ సినిమా కథ తనదేనంటూ రచయిత జయకుమార్ సైతం ఫిర్యాదు చేయడంతో వివాదం మరింత రాజుకుంది. ఈ విషయంలో జయకుమార్, వర్మల మధ్య మాటల యుద్ధం తారాస్థాయికి చేరింది. చివ‌రికి ఏంజ‌రుగుతుందో చూడాలి.