‘అర‌వింద స‌మేత’ మొద‌టి రోజు ఎంత క‌లెక్ట్ చేసిందో తెలుసా?

ఎన్ఠీఆర్ న‌టించిన అర‌వింద స‌మేత నిన్న‌నే విడుద‌లైంది. త్రివిక్ర‌మ్ ద‌ర్శ‌క‌త్వం వ‌హించిన ఈ సినిమాకు మొద‌టి నుంచే సూప‌ర్ హిట్ టాక్ వ‌చ్చింది.దీంతో ఎన్టీఆర్ అభిమానులు సంబంరాలు చేసుకుంటున్నారు.రాయలసీమ నేపథ్యంలో తెరకెక్కిన ఈ సినిమాకి, మాస్ ఆడియన్స్ నుంచి మంచి మార్కులు పడుతున్నాయి. తెలుగు రాష్ట్రాలతో పాటు ఓవర్సీస్ లోను ఈ సినిమా వసూళ్ల పరంగా దుమ్మురేపేస్తోంది.ఆంధ్ర – తెలంగాణ రాష్ట్రాల్లో తొలిరోజు వసూళ్ల విషయంలో ఈ సినిమా నాన్ ‘బాహుబలి’ రికార్డును అధిగమించిందని స‌మాచారం.ఒక్క నైజామ్ లోనే ఈ సినిమా 5.73 కోట్లను సాధించింది. తెలుగు రాష్ట్రాల్లో తొలిరోజున 26.64 కోట్ల షేర్ ను వసూలు చేసింది.

ఇక ప్రపంచవ్యాప్తంగా చూసుకుంటే 60 కోట్ల గ్రాస్ ను రాబట్టింది. ఎన్టీఆర్ కెరియర్లో తొలి రోజు వసూళ్ల విషయంలో తొలి స్థానంలో ఈ సినిమా నిలవడం విశేషం. ఎన్టీఆర్ న‌ట‌న‌కు తోడు,పూజా హెగ్డె ఈషా రెబ్బాలు గ్లామ‌ర్ సినిమాకు ప్ర‌ధాన ఆక‌ర్ష‌ణ‌గా నిలిచాయి.ఇక త‌మ‌న్ అందించిన సంగీతం సినిమాను మ‌రో లెవ‌ల్లో నిల‌బెట్టింద‌ని సినీ విశ్లేషుకులు చెబుతున్నారు.ఈ సినిమాతో ఎన్టీఆర్ వ‌రుస‌గా ఐదు హిట్లు సాధించాడు.