సూపర్స్టార్ రజనీకాంత్ ఈ పేరు చెబితేనే ఊర్రుతలూగిపోతారు తమిళ ప్రజలు. కేవలం తమిళనాడులోనే కాక .. ప్రపంచవ్యాప్తంగా ఆయనకు ఫ్యాన్స్ ఉన్నారు. ఇదిలా ఉంటే ఆరోగ్యం సహకరించకపోయినా.. ఈ వయసులో సైతం ఆయన సినిమాలు చేస్తూ ప్రేక్షకులను అలరిస్తున్నారు. 70 ఏళ్లు వచ్చినా రజనీకి మార్కెట్ తగ్గలేదు. ఇప్పటికీ రజనీ సినిమా వచ్చిందంటే చాలు.. ఈలలు, గోలలు సందడి మామూలుగా ఉండదు. రజనీ కాంత్ ప్రస్తుతం అన్మాత్తే సినిమా చేస్తున్న విషయం తెలిసిందే.
సన్ పిక్చర్స్ నిర్మిస్తున్న ఈ చిత్రంలో రజనీ కాంత్ సరసన నయనతార నటిస్తుండగా.. ఖుష్బూ, మీనా, కీర్తిసురేశ్ సైతం కీలక పాత్రలు పోషిస్తున్నారు. దీపావళి పురస్కరించుకొని నవంబర్‌ 4న ఈ చిత్రం విడుదల కానుంది. ఈ మూవీ తర్వాత రజనీకాంత్ ఇక సినిమాలు చేయరు అనే వార్తలు కూడా వచ్చాయి. అయితే ఆ వార్తలు నిజం కాదని రజినీ మరో సినిమా చేసేందుకు ఒప్పుకున్నట్లు వార్తలు వస్తున్నాయి. ‘కనులు కనులు దోచాయంటే దోచాయంటే ’ దర్శకుడు దేసింగు పెరియసామి ఓ సినిమాలో రజనీ కాంత్ నటించబోతున్నాడట. పెరియసామి దర్శకత్వం నచ్చడంతో ఆయనతో మూవీ చేయాలని రజనీ భావిస్తున్నట్టు టాక్.
ఈ సినిమా కోసం రజనీ సరసన దీపికా పదుకొనే నటించబోతున్నారట. ఇప్పటికే చర్చలు కూడా జరిగినట్టు టాక్. ‘కోచ్చడయాన్‌’ (2014) మూవీలో రజనీ–దీపికా జంట కనిపించింది. ఈ సినిమాలో రజనీ,దీపిక మోషన్‌ క్యాప్చర్‌ టెక్నాలజీతో యానిమేటెడ్‌ క్యారెక్టర్స్‌గా కనిపించారు. ఇక తాజాగా మామూలు పాత్రలో కనిపించబోతున్నది దీపిక. ఈ సినిమా పై త్వరలో అధికారిక ప్రకటన వచ్చే చాన్స్ ఉంది.
Also Read
ప్రేమించి పెళ్లి చేసుకున్న హీరో, హీరోయిన్లు..!
ఆర్ఆర్ఆర్ ప్రమోషన్ సాంగ్ లో రానా, ప్రభాస్ ప్రత్యేక ఆకర్షణ..!