దర్శక ధీరుడు రాజమౌళి ఆర్ఆర్ఆర్ పేరుతో ఓ చారిత్రక చిత్రాన్ని తెరకెక్కిస్తున్న విషయం తెలిసిందే. కుమ్రం భీంగా తారక్, అల్లూరి సీతారామరాజుగా రామ్ చరణ్ తేజ్ కనిపించబోతున్నారు. చరిత్రలోని ఘటనలకు కొన్ని కల్పనలు యాడ్చేసి ఈ మూవీని చిత్రీకరిస్తున్నారు. ఇప్పటికే దాదాపు షూటింగ్ పూర్తయ్యింది. ఎన్టీఆర్, చరణ్ లపై ఓ పాటను చిత్రీకరించాల్సి ఉంది. ఇది పూర్తయితే షూటింగ్ కంప్లీట్ అయినట్లే. ఇదిలా ఉంటే ఈ చిత్రం గతంలో తీవ్ర వివాదాస్పదమైంది.
కుమ్రం భీం పాత్ర పోషించిన ఎన్టీఆర్ ముస్లింల టోపీ పెట్టుకోవడం పట్ల కొందరు అభ్యంతరం వ్యక్తం చేశారు. ఈ వివాదం చాలా రోజులు చెలరేగింది. మరోవైపు ఇదే సినిమాలో అల్లూరి సీతారామరాజు పాత్ర వేసిన చరణ్.. పోలీస్ డ్రెస్లో కనిపించడం కూడా వివాదాస్పదమైంది. చరిత్రను వక్రీకరిస్తున్నారని విమర్శలు వచ్చాయి.
తాజాగా కుమ్రం భీం పాత్రకు ముస్లిం టోపీ పెట్టే విషయంలో చిత్ర రచయిత విజయేంద్ర ప్రసాద్ స్పందించాడు. నిజాం సైనికుల నుంచి తప్పించుకొనేందుకు మాత్రమే .. కుమ్రం భీం పాత్ర ముస్లిం టోపీ పెట్టుకోవాల్సి వచ్చిందంటూ చెప్పారు. ఇదిలా ఉంటే అల్లూరి సీతారామరాజు పాత్ర ధారి చరణ్ పోలీస్ డ్రెస్ ఎందుకు వేసుకున్నారని అడగగా.. ఈ రహస్యం ఏమిటో మీరు సినిమాలోనే చూడాలంటూ విజయేంద్ర ప్రసాద్ పేర్కొన్నారు.
Also Read
సార్ మీ కులపోడినే.. కొద్దిగా చాన్స్ ఇవ్వరూ..! బ్రహ్మాజీకి నెటిజన్ అభ్యర్థన