ఆర్ఆర్ఆర్ సినిమాకు విడుదల ముందే భారీ హైప్ క్రియేట్ చేయాలని మేకర్స్ ట్రై చేస్తున్నారు. ఇప్పటికే విడుదలైన మేకింగ్ వీడియో యూట్యూబ్లో రికార్డులు క్రియేట్ చేస్తోంది. ఇదిలా ఉంటే ఆర్ఆర్ఆర్ సినిమా కోసం భారీ ప్రమోషన్ సాంగ్ ప్లాన్ చేశారట. రూ. 6 కోట్లు సెట్ వేసి ఈ సాంగ్ను చిత్రీకరిస్తున్నారు. ప్రస్తుతం ఇందుకు సంబంధించిన ఏర్పాట్లు సాగుతున్నాయి. ఈ ప్రమోషన్ సాంగ్లో ఆర్ఆర్ఆర్ సినిమా కోసం పనిచేసిన అన్ని విభాగాల వాళ్లు కనిపించబోతున్నారట.
అంతేకాక.. బాహుబలి సినిమాలో నటించిన ప్రభాస్, రానా కూడా ఈ ప్రమోషన్ సాంగ్లో కనిపించబోతున్నారని సమాచారం. మొత్తానికి ఆర్ఆర్ఆర్ విడుదలకు ముందే భారీ అంచనాలు పెంచేయాలని మేకర్స్ భావిస్తున్నారు. ఇందుకోసం అనేక టీవీ షోలు, యూట్యూబ్ ఇంటర్వ్యూలు ప్లాన్ చేశారు. ఇక సోషల్ మీడియాలో కూడా ఇందుకు సంబంధించిన వీడియోలు ట్రెండింగ్ చేయాలని చూస్తున్నారట. ఇప్పటికే ఆ దిశగా ఏర్పాట్లు సాగిస్తున్నారు.
విడుదలకు ముందు ఓ నెలరోజుల పాటు ఎక్కడ చూసినా.. ఆర్ఆర్ఆర్ గురించే మాట్లాడుకోవాలని మేకర్స్ ప్లాన్ చేస్తున్నారట. అలా చేస్తేనే భారీ ఓపెనింగ్స్ వస్తాయని వారు భావిస్తున్నారు.ఇక దర్శకుడు రాజమౌళికి ఇప్పటివరకు అపజయం లేదు. ఆడియన్స్ కావాల్సిన ఎమోషన్స్ అన్ని తన సినిమాలో ఉండేలా చూసుకుంటాడు జక్కన్న. ఇక పాటలు, ఫైట్లు, మాస్ అంశాలు కూడా మేళవించి ఓ అద్భుత మైన సినిమాను ఆవిష్కరిస్తాడు. అందుకు తగ్గట్టుగానే ముందుగా భారీ హైప్ క్రియేట్ చేయాలని భావిస్తున్నారు.
Also Read
సీక్రెట్ గా..స్పీడ్ గా.. కొత్త సినిమా షూటింగ్ ముగించిన మారుతి..!