రోబో 2.0 రిలీజ్ డేట్ ఫిక్స్‌

సూప‌ర్ స్టార్ ర‌జ‌నీకాంత్ రోబో 2.0 సినిమా ప్రారంభం అయి చాలా కాల‌మైన గ్రాఫిక్స్ కార‌ణంగా ఆల‌స్యం అవుతు వ‌స్తుంది.రోబో 2.0 తరువాత మొద‌లైన కాలా సినిమా విడుద‌లైంది కూడా. శంకర్ దర్శకత్వంలో తెరకెక్కుతున్న ‘2.0’ చిత్రం ఈ సంవత్సరం నవంబర్‌ లో ప్రేక్షకుల ముందుకు రానుంది. సినిమా విడుదల తేదీని శంకర్, చిత్ర నిర్మాతలు అధికారికంగా ప్రకటించారు.

ఈ మేరకు సోషల్ మీడియాలో డేట్ అనౌన్స్ చేశారు. నవంబర్‌ 29న సినిమాను విడుదల చేయబోతున్నట్టు ప్రకటించారు. అటు శంకర్, ఇటు లైకా ప్రొడక‌్షన్స్‌ ఈ విషయాన్ని పంచుకున్నారు.సూపర్ హిట్ చిత్రం ‘రోబో’కు సీక్వెల్ గా భారీ బడ్జెట్ తో రూపొందిన ఈ చిత్రంలో బాలీవుడ్ స్టార్ హీరో అక్షయ్‌ కుమార్‌ కూడా నటించిన సంగతి తెలిసిందే.