నాని నటిస్తున్న ‘ది ప్యారడైస్’ చిత్రం టాలీవుడ్లో ప్రస్తుతం అత్యంత ఆసక్తిగా ఎదురుచూస్తున్న ప్రాజెక్ట్లలో ఒకటి. శ్రీకాంత్ ఒడేల దర్శకత్వంలో తెరకెక్కుతున్న ఈ సినిమాపై భారీ అంచనాలు నెలకొన్నాయి. ఇప్పటికే విడుదల తేదీని ఆగస్టు 21, 2026కి మార్చిన చిత్రబృందం, తాజాగా మొదటి సింగిల్ ‘ఆయా షేర్’ ప్రోమోను విడుదల చేసింది.
అనిరుధ్ రవిచందర్ స్వరపరిచిన ఈ పాట ప్రోమో ఎనర్జీతో నిండిపోయి ఉంది. టీజర్లో వినిపించిన క్యాచీ బీట్ను ఈ ప్రోమోలో కూడా వినిపించడంతో అభిమానులు మరింత ఉత్సాహానికి గురయ్యారు. మాస్ బీట్స్, థంపింగ్ మ్యూజిక్తో కూడిన పూర్తి పాటను ఫిబ్రవరి 24, 2026న విడుదల చేయనున్నట్లు ప్రకటించారు.
ఈ చిత్రంలో నాని కొత్త లుక్లో కనిపించబోతున్నారు. ఆయన ఎనర్జిటిక్ డాన్స్ మూమెంట్స్ అభిమానులను అలరించనున్నాయి. కాయడు లోహర్, మోహన్ బాబు, సోనాలి కులకర్ణి, బాబు మోహన్, తనికెళ్ల భరణి, సంపూర్ణేష్ బాబు తదితరులు కీలక పాత్రల్లో నటిస్తున్నారు.పాన్-ఇండియా స్థాయిలో రూపొందుతున్న ఈ చిత్రాన్ని ఎస్ఎల్వీ సినిమాస్ నిర్మిస్తోంది.