తమిళ సినిమాలు తెలుగులో మంచిగా ఆడుతాయి. తెలుగు ప్రజలు బాగుంటే భాషబేధం లేకుండా అన్నీ సినిమాలను ఆదరిస్తారు. ఇక తెలుగు, తమిళం అంటే జంటగా భావించాలి. ఇప్పుడు ఈ కోవలో ఓ సినిమా కోలీవుడ్లో రూపుదిద్దుకుంటోంది. కొత్త కొత్త జానర్లను కొత్త కొత్త పంథాలో తమిళ సినీ పరిశ్రమ వెళ్తోంది. ఇప్పుడు సరికొత్త కథాంశంతో ‘టిక్ టిక్ టిక్’ సినిమా వస్తోంది. అంతరిక్షం నేపథ్యంలో ఈ సినిమా రూపుదిద్దుకుంటోంది. ఈ సినిమా తెలుగు ట్రైలర్ను ఇటీవల విడుదల చేశారు. ఈ ట్రైలర్ ఆకట్టుకుంటోంది.
దర్శకుడు శక్తి సౌందర్ రాజన్ దర్శకత్వంలో జయం రవి ముఖ్యపాత్రలో టిక్ టిక్ టిక్ సినిమా వస్తోంది. థ్రిల్లర్ను తలపించే స్ర్కీన్ ప్లే.. హాలీవుడ్ తరహా విజువల్ ఎఫెక్ట్స్ ఈ సినిమాలో ఉన్నాయి. ట్రైలర్ చూస్తుంటే ఆకాశంలో నుంచి ఒక ఉల్క భూగోళాన్ని తాకుతుంది. ఇక మరో 60 రోజుల్లో అంతకంటే పెద్దదైన ఉల్క పడి.. భూమ్మీద ఒక సిటీ లేకుండా మాయమైపోతుంది అని చెబుతూ ఆ ఉల్క బారి నుంచి భూమిని ఎలా రక్షించారు అనే ఇతివృత్తంతో ఈ సినిమా ఉండనుంది అని ట్రైలర్ను చూస్తుంటే తెలుస్తోంది.
అలాంటి ప్రాబ్లమ్ వచ్చినప్పుడు ఆ ఉల్క మీదకు మనమే ఒక స్పేస్ షెటిల్ పంపేసి దానిని బ్లాస్ట్ చేయాలి. సరిగ్గా ఇదే మన చినప్పుడు 90లలో వచ్చిన ‘ఆర్మగెడాన్’ సినిమా కథ. ఇప్పుడు అదే కథను తీసుకుని.. పైన స్పేస్ లోకి వెళ్ళి ఆ ఉల్కను బ్లాస్ట్ చేయాలంటే ఒక మిస్సైల్ కావాలి కాబట్టి.. దానిని ఒక చైనా స్టేషన్ నుండి దొబ్బేయడానికి ఒక మెజీషియన్ (జయం రవి)ను పంపిస్తారు. అతనితోపాటు ఇతర ఆస్ర్టోనాట్స్ (వోమగాములు) కూడా వెళతారు. అక్కడ వారేం చేస్తారు అనేదే కథ.