మొదటి సాంగ్ ను విడుదల చేసిన డియర్ కామ్రేడ్

టాలీవుడ్ సన్సేషనల్ స్టార్ విజయ్ దేవరకొండ, గీతా గోవిందం బ్యూటీ రష్మిక మందనా హీరో, హీరోయిన్లుగా నటిస్తున్నా సినిమా డియర్ కామ్రేడ్. గీతా గోవిందం వంటి బ్లాక్ బాస్టర్ తరువాత వీరిద్దరు కలిసి నటిస్తున్న సినిమా కావడంతో ఈ సినిమా భారీ అంచనాలు నెలకొన్నాయి. ఇటీవలే ఈ సినిమా టీజర్ విడుదల చేశారు చిత్ర యూనిట్. టీజర్ కు మంచి స్పందన లభించింది. తాజాగా ఈ సినిమాలోని మొదటి సాంగ్ ను విడుదల చేశారు.

‘నీ నీలి కన్నుల్లోని ఆకాశమే..” అంటూ సాగే ఈ మెలోడీని గౌతం భరద్వాజ్ పాడారు. జస్టిన్ ప్రభాకరన్ సంగీతం అందిస్తున్నారు. తెలుగు, తమిళ, మలయాళ, కన్నడ భాషల్లో తెరకెక్కుతున్న ఈ సినిమాకు భరత్ కమ్మ దర్శకత్వం వహిస్తున్నాడు. ఈ చిత్రాన్ని మైత్రి మూవీ మేకర్స్ వారు నిర్మిస్తున్న సంగతి తెలిసిందే. కాలేజ్, పాలిటిక్స్ బ్యాక్ డ్రాప్ లో సినిమా కథ సాగుతోందని ప్రచారం జరుగుతోంది. సినిమాను మే 31న విడుదల చేయడానికి సన్నాహాలు చేస్తున్నారు. మరి ఈ సినిమా విజయ్ దేవరకొండకు ఎలాంటి విజయాన్ని అందిస్తుందో చూడాలి.