సూపర్ స్టార్ మహేశ్ బాబు ‘శ్రీమంతుడు’ సినిమాలో మహేశ్ బాబు వాడిన సైకిల్.. తెరపై కనిపిస్తూ సినిమాకే ప్రత్యేక ఆకర్షణగా నిలిచిన సైకిల్ ను సొంతం చేసుకోవాలని ఉందా? ఇందు కోసం సరికొత్త అవకాశాన్ని ఇస్తోంది ఆ సినిమా యూనిట్.
తమ అభిమాన హీరో వాడిన సైకిల్ ను సొంతం చేసుకోవాలనే వారి కోసం…బిడ్డింగ్ ను మొదలు పెట్టారు. ఈ బిడ్డింగ్ లో పాల్గొని ఎవరైనా ఆ సైకిల్ సొంతం చేసుకోవచ్చు.. అదృష్టం వరించడంతో… వారు కూడా శ్రీమంతులు కావొచ్చు!
బిడ్డింగ్ కు పేరు నమోదు ఇలాః http://www.livastar.com/iamsrimanthudu ను సందర్శించి పేరును నమోదు చేసుకోవాలి. ఈ రిజిస్ట్రేషన్ కోసం రూ.999 చెల్లించాల్సి ఉంటుంది. ఇలా రిజిస్టర్ చేయించుకున్న వాళ్లు శ్రీమంతుడు సైకిల్ ను పొందడడానికి అర్హులు.
అదృష్టవంతులకు అవకాశంః ఇలా పేర్లను నమోదు చేయించుకున్న వాళ్లలో ఒకరికి లక్కీ డిప్ ద్వారా ఒకరిని ఎంపిక చేసి ఆ సైకిల్ ను ఇస్తారు. బ్రహ్మోత్సవం ఆడియో వేడుకలో ఈ సైకిల్ ను అదృష్టవంతుడికి అప్పగిస్తారు.
మొత్తం మూడు సైకిల్స్ ఉన్నాయి. శ్రీమంతుడులో మహేశ్ ఆ మూడు సైకిళ్లనూ వాడాడు. వాటి ఒరిజినల్ కాస్ట్ దాదాపు మూడున్నర లక్షల రూపాయలు. అయితే అభిమానులకు మాత్రం రూ.999 కే ఇస్తున్నారు. బిడ్డింగ్ ద్వారా వచ్చిన డబ్బును సోషల్ సర్వీస్ కు వినియోగించనున్నట్టుగా ప్రకటించారు. కాబట్టి.. ఇది అభినందించదగిన అంశమే!