బాలీవుడ్ యాక్షన్ హీరో అక్షయ్ కుమార్ తాజాగా తాజ్ మహల్ ముందు తీయించుకున్న ఫోటో సోషల్ మీడియాలో దుమ్మురేపుతుంది. ఆనంద్ ఎల్.రాయ్ దర్శకత్వంలో అక్షయ్ కుమార్, సారా అలీఖాన్, ధనుష్ ప్రధానపాత్రల్లో తెరకెక్కుతోన్న చిత్రం ‘అత్రాంగిరే’. ఈ సినిమా షూటింగ్ ప్రస్తుతం ఆగ్రాలో తాజ్ మహల్ వద్ద జరుగుతోంది.
విభిన్న ప్రేమ కథాంశంతో తెరకెక్కుతున్న ‘అత్రాంగిరే’లో సారా అలీ ఖాన్ బిహారి అమ్మాయి పాత్రలో కనువిందు చేయనుంది. షూటింగ్లోని ఓ సరదా వీడియోను అక్షయ్ తన ట్విట్టర్ ఖాతాలో షేర్ చేశాడు.
ఇక తాజ్ మహల్ ముందు షాజహాన్ వేషధారణలో గిరిగరా తిరుగుతూ కనిపించాడు అక్షయ్. జాతీయ అవార్డు గ్రహీత హిమాన్షు శర్మ కథ అందిస్తుండగా, ఎ.ఆర్‌. రెహమాన్‌ సంగీత స్వరాలు సమకూరుస్తు న్నారు. భూషణ్‌ కుమార్ నిర్మిస్తున్న ఈ చిత్రం.. 2021 ఫిబ్రవరిలో ప్రేక్షకుల ముందుకు రానుంది. ఇటీవల శంకర్ దర్శకత్వంలో రజినీకాంత్ నటించిన 2.0 లో అక్షయ్ విలన్ గా కనిపించిన విషయం తెలిసిందే.