 అనే అత్యంత అరుదైన జన్యుపరమైన వ్యాధితో బాధపడుతున్నాడు.){kind=link}
కర్నూలు జిల్లాకు చెందిన హరీశ్ కుమార్, నవ్యశ్రీ దంపతుల నాలుగేళ్ల కుమారుడు అశ్వర్థ్ గురుదత్త ప్రాణాపాయ స్థితిలో కొట్టుమిట్టాడుతున్నాడు. ఆ పసివాడు ‘డి.ఎం.డి’ (డుచెన్ మస్కులర్ డిస్ట్రోఫీ) అనే అత్యంత అరుదైన జన్యుపరమైన వ్యాధితో బాధపడుతున్నాడు. ఈ మహమ్మారి నుంచి పాప ప్రాణాలు కాపాడాలంటే జీవితంలో ఒక్కసారి మాత్రమే ఇచ్చే రూ.26 కోట్ల విలువైన అత్యంత ఖరీదైన ఇంజెక్షన్ అవసరం. ప్రస్తుతం బెంగళూరుకు చెందిన ప్రముఖ జన్యు వ్యాధి నిపుణురాలు డాక్టర్ ఆన్ యాగ్నిస్ మాథ్యూస్ పర్యవేక్షణలో చిన్నారికి వైద్యం అందుతోంది.
పుట్టినప్పటి నుంచి ఈ దంపతులు హైదరాబాద్లోనే జీవిస్తున్నారు. తండ్రి హరీశ్ కుమార్ ఒక ఫార్మా కంపెనీలో చార్టర్డ్ అకౌంటెంట్గా పనిచేసేవారు. కుమారుడికి ఈ ప్రాణాంతక వ్యాధి సోకిందని తెలిసిన వెంటనే ఆయన ఆ ఉద్యోగాన్ని వదిలేశారు. ప్రస్తుతం ప్రైవేట్ ప్రాక్టీస్ చేస్తూ, బాబును బతికించుకునేందుకు స్నేహితులు, బంధువుల సాయంతో విశ్వప్రయత్నాలు చేస్తున్నారు.
ఇన్ఫ్లూయెన్సర్ల సహాయంతో ఏపీలోని ప్రముఖ నగరాల్లో ప్రచారం చేయగా, ఇప్పటివరకు దాతల సాయంతో రూ.6 కోట్ల 40 లక్షలు మాత్రమే సమకూరాయి. చిన్నారి ప్రాణాలు దక్కాలంటే ఇంకా రూ.20 కోట్లు సేకరించాల్సిన భారీ లక్ష్యం ఉంది. గణేశ్ నిమజ్జన వేడుకల్లో భక్తుల రద్దీ ఎక్కువగా ఉంటుందని భావించిన తండ్రి.. సాయం కోరుతూ ఎన్టీఆర్ మార్గ్లోని నిమజ్జన ప్రాంతానికి వచ్చారు.
అక్కడ బందోబస్తును పర్యవేక్షిస్తున్న నగర పోలీస్ కమిషనర్ సజ్జనర్ ఈ విషయం తెలుసుకుని తీవ్రంగా చలించిపోయారు. స్వయంగా వచ్చి బాబు వివరాలు తెలుసుకుని తన వంతు సాయం చేస్తానని భరోసా ఇచ్చారు. చిన్నారి ప్రాణాలు కాపాడుకునేందుకు సమాజంలోని ప్రతి ఒక్కరూ ఉదారంగా ముందుకు రావాలని పిలుపునిచ్చారు. ఎన్టీఆర్ మార్గ్లో చిన్నారితో పాటు తండ్రి, సన్నిహితులు ప్లకార్డులు పట్టుకుని నిలబడగా.. భక్తులు స్వచ్ఛందంగా స్పందించి తోచినంత ఆర్థిక సాయం అందించారు.