ఎప్పటికప్పుడు కొత్త కథలతో టాలీవుడ్‌లో ప్రేక్షకులను అలరిస్తున్న దర్శకుడు సుకుమార్. మహేష్ తో 1 నేనొక్కడినే, ఎన్టీఆర్‌తో నాన్నకు ప్రేమతో వంటి డిఫరేంట్ సినిమాలు తీసి త‌న‌కంటూ టాలీవుడ్‌లో స‌ప‌రేట్ క్రేజ్ తెచ్చుకున్నాడు సుకుమార్. తాజాగా సుకుమార్.. మెగా పవర్ స్టార్ రాంచ‌ర‌ణ్‌తో ఓ స‌రికొత్త కథతో ఓ మూవీ చేస్తున్న విషయం తెలిసిందే. ఇప్పటికే ఈ సినిమాకి సంబంధించిన వర్కింగ్ స్టిల్‌ను రిలీజ్ చేశారు. కాడెత్తుకుని వెళుతున్న రాంచరణ్‌ పోస్టర్ వైరల్‌గా మారింది.
ఈ మూవీకి పల్లెటూరి ప్రేమ‌లు, రేప‌ల్లె అనే టైటిల్స్ పరిశీలిస్తున్నట్లు వార్తలు కూడా వస్తున్నాయి. ఇక ఈ మూవీకి సంబంధించి ఓ స్టోరీ లైన్ కూడా ఇండ‌స్ట్రీలో తెగ హల్ చల్ చేస్తోంది. టాలీవుడ్ ఇన్న‌ర్ టాక్ ప్ర‌కారం ఈ మూవీ స్టోరీ.. ఏంటంటే.. హీరో పక్కా పల్లెటూరి కుర్రాడు.
అందరితో కలిసిమెలిసి ఉంటుంటాడు. అలాంటి యువకుడు అనుకోకుండా ఓ పని మీద సిటీకి రావాల్సి వస్తోంది. సిటీలోనే ఓ ప్రయోగశాలలో పనికి కుదురుతాడు. అక్కడున్న శాస్త్రవేత్తలు మనిషిపై ఓ ప్రయోగం చేయాలన్న దుర్భుద్దితో ఉంటారు. ఆ శాస్త్ర‌వేత్త‌ల క‌న్ను ఈ యువకుడిపై పడుతుంది. ఇంతకీ ఆ శాస్త్రవేత్తలు హీరోపై ప్రయోగం చేశారా? ఒకవేళ చేస్తే ఆ తదనంతరం జరిగిన పరిణామాలేంటి అనే విషయాలను సుకుమార్ ఆసక్తికరంగా తెరకెక్కించనున్నాడని టాక్. మరి ఈ కథ ఎంత వ‌ర‌కు నిజ‌మో చూడాలి. ఇక ఈ సినిమాలో రామ్ చరణ్ పక్కన సమంత హీరోయిన్‌గా నటించనుంది.
Related