మలయాళ సినీ పరిశ్రమను ఓ సమయంలో భయపెట్టేసిన హిస్టరీ.. షకీలా కు ఉంది. ఈమె పేరే ఓ పెద్ద బ్రాండ్. షకీలా చిత్రాలతో పోటీ పడలేక.. స్టార్ హీరోలందరూ కలిసి ఆమె సినిమాలను బ్యాన్ చేసే పరిస్థితిపట్టుకొచ్చేసిన ఘనత తన సొంతం. ఆ తర్వాత టాలీవుడ్ లో కమెడియన్ అవతారం ఎత్తి చాలా సినిమాల్లో నటించినా.. ఆ టైపు సాఫ్ట్ టచ్ మాత్రం ఉండేది. ఇప్పుడు సంపూర్ణేష్ బాబు నటిస్తున్న కొబ్బరి మట్టలో ఓ విభిన్నమైన పాత్రలో కనిపించనుంది షకీలా.
ఈ మూవీ క్లైమాక్స్ షూటింగ్ ప్రస్తుతం జరుగుతుండగా.. షకీలా ఇలా డిఫరెంట్ గెటప్ లో కనిపించి అందరినీ ఆశ్చర్యానికి గురి చేసింది. ఏజ్డ్ గెటప్ తో షకీలా నటిస్తుండగా.. ఈ కేరక్టర్ సినిమాకి కీలకంగా ఉంటుందని.. ఈమె తన యాక్టింగ్ ట్యాలెంట్ తో మరో యాంగిల్ లో అందరినీ మెస్మరైజ్ చేస్తుందని తెలుస్తోంది.
ఈ హోమ్లీ కేరక్టర్ గానీ క్లిక్ అయితే.. టాలీవుడ్ లో షకీలాకి ఇలాంటి రోల్స్ బోలెడన్ని రావడం ఖాయం అంటున్నారు సినీ జనాలు. ఈ కొబ్బరి మట్ట సినిమాలో సంపూర్ణేష్ బాబు మూడు పాత్రల్లో కనిపించనున్నారు. అలాగే ఏడుగురు హీరోయిన్లు ఈ అందగాడితో ఆడిపాడుతుండడం విశేషం. ప్రస్తుతం ఈ సినిమా షూటింగ్ పూర్తి చేసేసి పోస్ట్ ప్రొడక్షన్ పనులు… మొదలుపెట్టనున్నారు. ఇప్పటికే ఈ సినిమాకి సంబంధించిన బిజినెస్ కూడా పూర్తయిపోయింది. త్వరలోనే విడుదల డేట్ తెలపనున్నారు.
Related