పెళ్లి వేడుక పూర్తయ్యింది. అతిథులంతా వరసగా వచ్చి ఆశీర్వచనాలు అందజేస్తూ, బహుమానాలు ఇస్తున్నారు. ఇంతలోనే ఉన్నట్టుండి ఓ షాకింగ్ ఘటన జరిగింది. ఓ యువకుడు నూతన జంటతో ఫొటో దిగేందుకు వచ్చాడు. ఇద్దరికీ శుభాకాంక్షలు తెలిపాడు. అనంతరం పెళ్లి కూతురు మీద ముద్దుల వర్షం కురిపించాడు. ఇక పెళ్లికి వచ్చిన వారంతా ఆశ్చర్యంలో మునిగిపోయారు. ఇక ఆ టైంలో పెళ్లి కొడుకు మొహంలో రంగులు మారిపోయాయి. ఇదెక్కడి విడ్డూరం అంటూ అంతా ఆశ్చర్యపోయారు.
ప్రస్తుతం ఇందుకు సంబంధించిన ఓ వీడియో సోషల్ మీడియాలో వైరల్గా మారింది. నిరంజన్ మహాపాత్ర అనే వ్యక్తి ఈ వీడియోను షేర్ చేశాడు. ఇంతకూ సదరు యువకుడు ఎవరు? కావాలనే ఇలా చేశాడా? అన్న విషయంపై క్లారిటీ లేదు. పెళ్లికూతురుకు తెలిసిన వ్యక్తా ? ఎందుకు అలా చేశాడు ? అని అంతా ఆశ్చర్యపోతున్నారు. పెళ్లికొడుకును ఆటపట్టించడానికి కొంతమంది ఇలా చేశారని సమాచారం.
అయితే మరీ ఇంతలా ప్రాక్టికల్ జోకులు వేయాలా? అన్న విమర్శ కూడా వినిపిస్తోంది. మొత్తానికి పెళ్లి వేడుక కాస్త రచ్చరచ్చగా మారింది. అయితే ఇది నిజంగా పెళ్లి వేడుకా? లేక ఏదైనా మూవీ లేదా వెబ్ సీరిస్ ప్రమోషన్ కోసం ఇటువంటి వీడియోను బయటకు వదిలారా? తెలియదు కానీ.. ప్రస్తుతం ఇందుకు సంబంధించిన ఓ వీడియో వైరల్ గా మారింది.
Also Read: కరోనా వ్యాక్సిన్తో వ్యంధ్యత్వం.. నిజమెంత?