ఝార్ఖండ్లో ఓ పోలీసుపై, ట్రాఫిక్ అధికారి దురుసుగా ప్రవర్తించారు. హెల్మెట్ ధరించలేదనే కారణంగా ఆయనతో వాగ్వాదానికి దిగారు. మాటామాటా పెరిగి దాడి చేసుకునే వరకు వెళ్లింది. ట్రాఫిక్ సిబ్బంది ఆగ్రహంతో ఊగిపోయి.. పోలీసుపై చెయిచేసుకున్నారు. ఈ సంఘటనకు బంధించిన దృశ్యాలు సామాజిక మాధ్యమాల్లో చక్కర్లు కొడుతున్నాయి.
రాంచీలోని సహజానంద్ చౌక్ సమీపంలో ఓ పోలీస్ శిరస్త్రాణం ధరించకుండా బైక్పై వెళ్తున్నారు. ఇది గమనించిన అక్కడి ట్రాఫిక్ పోలీస్.. ఆయన వాహనాన్ని ఆపి జరిమానా విధించారు. దానికి పోలీస్ అధికారి నిరాకరించారు. అక్కడి నుంచి వెళ్లిపోయేందుకు యత్నించారు.
ఇంతలో ట్రాఫిక్ పోలీసు ఆయన్ను వెంబడించి నడిరోడ్డుపైనే దాడి చేశారు.ఈ దృశ్యాలు వైరల్ అవడం వల్ల.. విషయం ఉన్నతాధికారులకు చేరింది. దీనిపై త్వరలోనే చర్యలు తీసుకుంటామని రాంచీ సిటీ ఎస్పీ సౌరభ్ తెలిపారు. ఈ విషయమై దర్యాప్తు చేపట్టామన్న ఆయన.. దోషులెవరో తేల్చి వారిపై కఠిన చర్యలు తీసుకుంటామని చెప్పారు.
మళ్లీ తెలంగాణ కి మూడింది.. మూడు వేలు కేసులు..!