ప్ర‌స్తుత IRCTC కొత్త వెబ్‌సైట్ స్థానంలో కొత్త వెబ్‌సైట్ ఇచ్చింది. ఆన్‌లైట్ టికెట్ బుకింగ్ వెబ్‌సైట్ ఇప్పుడు పూర్తిస్థాయిలో మారిపోయింది. బెటా ఫార్మ్‌లో పనిచేసే ఈ కొత్త వెర్షన్ ఇటీవలే అందుబాటులోకి వచ్చింది. గత వెబ్‌సైట్‌తో పోల్చితే.. ఈ కొత్త వెబ్‌సైట్ పూర్తిగా భిన్నంగా ఉంది. ఇందులో లాగిన్ కాకుండానే రైళ్ల వివరాలను తెలుసుకునే సదుపాయం కల్పించారు.
ఈ కొత్త వెబ్‌సైట్ ప్రయాణికులకు ఉపయుక్తంగా రూపొందించిన ఈ వెబ్‌సైట్లో వెయింటింగ్ లిస్ట్‌ టికెట్ కన్ఫార్మ్ అవుతుందా లేదనేది ముందుగా తెలుసుకునే సౌలభ్యాన్ని కూడా అందుబాటులోకి తెచ్చారు. మరి ఈ కొత్త వెబ్‌సైట్ ద్వారా టికెట్లు బుక్ చేసుకోవడం ఎలాగో కింద చూసి తెలుసుకోండి
1. ఐఆర్‌సీటీసీ వెబ్‌సైట్లోకి వెళ్లగానే.. పైన ఎర్ర రంగులో ‘Try New Version Of Website’ అనే లింక్ ఉంటుంది. దానిపై క్లిక్ చేస్తే వేరొక విండోలో కొత్త వైబ్‌సైట్ ఓపెన్ అవుతుంది. ఇందులో లాగిన్ కాకుండానే రైళ్లలో సీట్లు అందుబాటు వివరాలను తెలుసుకోవచ్చు. ఇందుకు మీరు ఎక్కాల్సిన, దిగాల్సిన రైల్వే స్టేషన్ల పేర్లు నమోదు చేసి సెర్చ్ చేస్తే చాలు.
2. ఫైన్డ్ ట్రైన్స్ మీద క్లిక్ చేస్తే.. రైళ్లు, బెర్త్‌ల ఖాళీల వివరాలు, రైలు టికెట్ ధరలు వస్తాయి. టికెట్లు బుక్ చేసుకోవాలన్నా, ఇతర వివరాలు తెలుసుకోవాలన్నా.. మీ యూజర్ నేమ్, పాస్‌వర్డ్‌లతో వెబ్‌సైట్లోకి లాగిన్ కావాలి. ఇందుకు క్యాప్చా లేదా ఓటీపీ ఎంటర్ చేయాలి.
3. మీరు చేరాల్సిన గమ్యస్థానానికి సీట్లు అందుబాటులో లేకపోతే.. కన్ఫార్మ్ టికెట్లు కలిగిన రైళ్ల వివరాలను కూడా ఈ వెబ్‌సైట్ చూపిస్తుంది. ఇందుకు మీరు సైట్లోకి లాగిన్ కావాలి.
4. అలాగే, ‘కన్ఫర్మ్ ప్రొబబిలిటీ’ ద్వారా వెయింటింగ్ లిస్టులో ఉన్న టికెట్లు కన్ఫర్మ్ అవుతాయో లేదో తెలుసుకోవాలన్నా లాగిన్ కావాలి.
5. బుకింగ్ మీద క్లిక్ చేసిన తర్వాత ప్రయాణికుల పేరు, వయస్సు తదితర వివరాలు నమోదు చేయాలి. ట్రావెల్ ఇన్సురెన్స్ ఆప్షన్ కూడా ఎంపిక చేసుకోవడం మంచిది. ఒకరి కంటే ఎక్కువ ప్రయాణికులుంటే.. ‘యాడ్ ప్యాసింజర్’ను క్లిక్ చేసి, వివరాలు ఇవ్వాలి.
6. అన్ని వివరాలు నమోదు చేసి.. ‘కంటిన్యూ బుకింగ్’ మీద క్లిక్ చేస్తే ‘రివ్యూ బుకింగ్’ వస్తుంది. వివరాలన్నీ సరిచూసుకున్న తర్వాత ‘పేమెంట్’ ఆప్షన్ మీద క్లిక్ చేయాలి.