అమెరికా అధ్యక్ష ఎన్నికల విజేత జో బైడెన్ కుమారుడిపై అధ్యక్షుడు డొనాల్డ్ ట్రంప్ పరిపాలనా విభాగం దృష్టిసారించినట్లు కనపడుతోంది. ఈ మేరకు పన్నులకు సంబంధించిన అంశంపై దర్యాప్తును ఎదుర్కొంటున్నట్లు తెలిపారు హంటర్ బైడెన్. జో బైడెన్ ఎన్నికల ప్రచారాల్లో హాంటర్ ఆర్థిక లావాదేవీల పాత్రపై ఈ దర్యాప్తు కొనసాగే అవకాశముంది.
విచారణకు హాజరుకావాలని కోరుతూ గత మంగళవారం మరోమారు హంటర్ బైడెన్కు సమన్లు జారీ చేశారు ఫెడరల్ అధికారులు. దర్యాప్తు గురించి తనకు మంగళవారం సమాచారం అందినట్లు హంటర్ బైడెన్ ప్రకటనలో వెల్లడించారు. కానీ ఎలాంటి విషయాలు బహిరంగపరచలేదు.
ఆదాయ పన్ను మోసం నేరాలపై న్యాయ విభాగం దర్యాప్తు.. జో బైడెన్ తన అధ్యక్ష అభ్యర్థిత్వాన్ని ప్రకటించటానికి ఏడాది ముందే ప్రారంభించినట్లు ఓ అధికారి తెలిపారు. బహిరంగ దర్యాప్తు చర్యలను నిషేధించే ఎన్నికల విధానాల వల్ల కొద్ది వారాలుగా ఎలాంటి చర్యలు చేపట్టలేదని చెప్పారు.